¿Andisï uandanhajki eska Jesúsi Tata Diosïri Uájpeeska?

Ambe enga Biblia uandajka

Bibliarhu someni uandasïndi eska Jesúsi “jindeeska [Tata] Diosïri Uájpa” (Juanu 1:49). Uandakuechaksï “Tata Diosïri Uájpa”, arhikuekasïndiksï eska Tata Diosï jindeeska Kueraajpiri ka Ima enga tsípikua íntspijka, i ambe arhikuekasïndi eska imajtu kueraaska Jesúsini (Salmo 36:9; Jaŋaskuecha [Apocalipsis] 4:11). Biblia no nani uandasïndi eska Tata Diosï niáraspka taatini májkueni eskaksï kʼuiripuecha na kánguarhiajka sapiichani.

Biblia uandasïndi eskaksï ánjelicha Tata Diosïri uájpeeska (Job 1:6). Ístu uandasïndi eska primeru acheeti Adáni, jindeespka Tata Diosïri uájpa (Lukasʌ 3:38). Peru Biblia uandasïndi eska Jesúsi jindeeska Tata Diosïri Uájpa enga sánderu jukaparhakueka, jimboka imani orheta kueraaspka ka no nema jarhuataspti.

• ¿Auandarhu irekaspi Jesúsi ante de ixú Echerirhu andajpenuni?

• ¿Ambe úsïreni Jesúsi jini auandarhu ante de jurhani Echerirhu?

¿Auandarhu irekaspi Jesúsi ante de ixú Echerirhu andajpenuni?

Jo. Ante de andajpenuni komueska kʼuiripu ma, Jesúsi espiritu máespti jini auandarhu. Ima mismu uandaspti eska “auandarhu uératini kétses[p]ka” (Juanu 6:38; 8:23).

Ambe enga Tata Diosï orheta kueraapka, jindeespti Jesúsini. Biblia íri ambe uandasïndi Jesúsiri ambe:

• Ima jindeesti “enga tʼuini jindeepkia enga nótki ambe kueraakatepka” (Kolosasi 1:15).

• Ima jindeesti “enga sánderu orheteeka ka eska iámindu ambe enga [Tata] Diosï kueraaka” (Jaŋaskuecha 3:14).

Jesúsi kumplirispti ima profesia enga uandeenga nemeeri enga desde iónisï irekapkia (Miqueas 5:2; Mateu 2:4-6).

¿Ambe úsïreni Jesúsi jini auandarhu ante de jurhani Echerirhu?

Ima kʼéri ambeespti jini auandarhu. Jesúsi íri ambe uandaxapti enga kurhakupka Tata Diosïni: “Taati, ú eskani ji kʼéri ambe arhinhaaka [...] imani mismu tʼíntskuani jimbo engani ji jatsipka tʼungini jingoni desdeka parhakpini nótki jindeepka” (Juanu 17:5).

Jarhuataspti imeeri taati jémbani kueraani iámindu máteru ambe. Jesúsi ánchikuarhispti Tata Diosï jingoni “komueska ánchikuarhiri jánhasti ma” (Proverbios 8:30). Biblia íri ambe uandasïndi Jesúsiri ambe: “Ka iámindu ambe imani jimbo kueraanhasti enga auandarhu jaka ka echerirhu” (Kolosia 1:16, Táta Diósïri Uandakua Tata Jesukristueri Aiatsperakua).

Tata Diosï úrasti Jesúsini para kueraani iámindu máteru ambe komu ánjelicha ka iámindu ambe engachi újka exeni (Jaŋaskuecha 5:11). Parachi kurhanguni na enga Jesúsi jarhuatapka Tata Diosïni, úpiringachi ísï terukutantani komueska arkitektu ma ka ima enga kʼumanchikua újka. Arkitektu uandasïndi na enga jáxeaka ka na enga úkuarhiaka kʼumanchikua ka ima enga kʼumanchikua újka, ísï úsïndi.

Ima jindeespti Uandakua. Para Jesúsini arhikuekani ante de jurhani ixú echerirhu, Biblia arhisïndi “Uandakua” (Juanu 1:1). I ambe arhikuekasïndi eska Tata Diosï úraspka imeeri uájpani para máteru ánjelichani aianguani ambe engaksï jatsipka para úni.

Ístu, peenga Tata Diosï úrapka Jesúsini para kʼuiripuechani aianguani ambe ma. Jamberi Tata Diosï Jeoba, Uandakuani úrapti, jo Jesúsini, para Adáni ka Ebani arhiani ambe engaksï jatsipka para úni engaksï jardini de Edénirhu japka (Génesis 2:16, 17). Ístu, jamberi Jesúsi jindeepti ima ánjeli enga israelitechani orhejtsïkuapka jiáni engaksï desierturhisï jámapka ka peenga ima jindeepka bosi engaksï imeecha jatsipka para kurhajchani (Éxodo 23:20-23).a