¿Ambe uandasïni Biblia abortueri ambe?

Ambe enga Biblia uandajka

Uandakua abortu Biblia no úrasïndi para arhikuekani eskaksï uékani úxaka eska charhakuni ma enga nótki andajpenuni jarhajka uéraaka. Joperujtsïni uánikua tekstuecha jarhuatasïndi kurhanguni na enga exejka Tata Diosï tsípikuani asta charhakueri ma enga nótki andajpenujka.

Tsípikua, Tata Diosïri regalu máesti (Génesis 9:6; Salmo 36:9). Para Tata Diosï, tsípikua kánikua jukaparhakuesti, asta charhakueri ma enga amambeeri matrisirhu jarhajka. Ísï jimbo, enga ma uékani uándikujka charhakuni ma enga nótki andajpenuni jarhajka, uándikpini jarhasïndi.

Lei enga Tata Diosï israelitechani íntsaapka uandasïndi: “Engaksï máru acheeticha uarhiperani jauaka ka niáranksï pʼitarani uarhiitini ma enga charhakuni ma erokuarhini jaka ka i, niárani kánguarhini charhakuni enga no niárakateeka, peru no nema uarhini, jimajkani ima acheeti enga pʼitaraka, jatsisti para maiamuntani imani ambe jimbo enga no sési úkuka na enga xáni uandaaka uarhiitiri dueniu, ka ima jatsisti para juesichani japarini maiampini. Peru enga nema uarhiaka, jimajkani jatsisti para maiampinhani tsípikua, tsípikua jimbo” (Éxodo 21:22, 23).a

• ¿Káni ueenasïni kʼuiripueri tsípikua?

• ¿Uaa puákuntani Tata Diosï nemani enga abortarika?

• ¿No sési jarhaski abortarini enga amambeeri o charhakueri tsípikua peligrurhu jauaka?

¿Káni ueenasïni kʼuiripueri tsípikua?

Para Tata Diosï, tsípikua jiáni uénasïndi enga uarhiiti ma embarasada pakarajka. Biblia uandasïndi eska Tata Diosï ísï exesïnga charhaku ma enga nótki andajpenujka komueska kʼuiripu ma. Ju je exeani máru ejempluechani engaksï xarhatajka eska Tata Diosï májkueni exesïnga charhakueri tsípikuani enga matrisirhu jarhajka ka charhakuni ma enga apenasi andajpenujka.

• Tata Diosïni jimbo, rei Dabidi uandaspti “Chiiti éskuechajtsïni exespti desde engani kánikua sapichuepka matrisirhu” (Salmo 139:16). Ísï jimbo, Tata Diosï exesïreendi eska Dabidi kʼuiripu máespkia ante de andajpenuni.

• Ju je exeni máteru ejemplu. Ante de enga profeta Jeremíasi andajpenupiringa, Tata Diosï ambakiti ánchikuarhita ma jatsisptia para ima. Tata Diosï arhispti: “Ante dekini úni matrisirhu, tʼuinkini mítespkia; ka, ante deri andajpenuni pímbinhajkuntaskakeni. Profetakeni úska para iretecha” (Jeremías 1:5).

• Lukasi, Biblieri karari ma ka enga ístu doktoripka, májku uandakuani úraspti enga griegu jimboepka para charhakuni ma arhikuekani enga nótki andajpenuenga ka ístu para charhakuni ma arhikuekani enga apenasi andajpenupka (Lukasʌ 1:41; 2:12, 16).

¿Uaa puákuntani Tata Diosï nemani enga abortarika?

Jo, Tata Diosï uaati puákuntani nemani enga abortarika. Engajtsï ísï exeska tsípikuani eska Tata Diosï na exejka, nójtsï jatsiska para xáni no sési pʼikuarherani engajtsï indeni ambe úka. Biblia arhisïndi: “Jeoba pʼamojpitisti ka sési kámpisïndi [...]. Ísï eska na xáni iauani jaka nani enga uérajka jurhiata asta nani enga inchajtsïkujka, xáni iauani peeraasti juchaari pekaduechani” (Salmo 103:8-12).b Jeoba puákuantauati imeechani engaksï mintsita jingoni móantaska pekaduecheri engaksï ióntki úpka asta abortu ambe (Salmo 86:5).

¿No sési jarhaski abortarini enga amambeeri o charhakueri tsípikua peligrurhu jauaka?

Ambe enga Biblia uandajka charhakueri tsípikueri ambe enga nótki andajpenujka, xarhatasïndi eska no sési jarhaska abortarini nájkiruka úpiringa charhakueri tsípikua peligrurhu jarhani.

¿Ambeksï jatsipirini para úni enga parturu peligrurhu japiringa ka ma jatsini para erakuni néni tsípiti jurajkuni amambani o charhakuni? Kási no úkuarhisïndi i ambe, peru enga niárapiringa ísï úkuarhini, soluksï imeecha uaati erakuni engaksï ini ambe nitamakuarhini jauaka néni tsípiti jurhajkuni.