Ambe engajtsïni aiangujka Biblia

Jeoba, kuerasïndi Adani ka Ebani, arhiasïndi eska imecha uáka irekani Sési Jándekua ma jimbo para méntkisï. Satanasi no janhanharhisïndi Jeobaeri arhinhakuani ka uandasïndi eska no jatsiska sésikua para juramuni. Adani ka Eba kurhajchasïndiksï No Ambakitini, ka isï pásïndiksï kʼuiripuechani pekadurhu ka uarhikuarhu

Tata Diosï arhiasïndi ambe engaksï nitamakuarhinchaka no kurhandikua jimbo, aiatspesïndi eska jauaka Uájpa ma enga kʼamajkuaka Satanasini ka enga sési pentaka iámindu ambe enga úkuarhini jaka no kurhandikua jimbo ka pekaduni jimbo

Tata Diosï aiakusïndi Abranini ka Dabidini eska imechani jimbo juuaka ima Uájpa, Mesiasi enga juramuaka para méntkisï

Jeoba aianhpisïndi profetechani jimbo eska Mesiasi kʼamajkuaka pekaduni ka uarhikuani ka eska Mesiasiska enga juramuaka Tata Diosïri Juramukuarhu. Ka, juramuatiksï imani jingoni máteru kʼuiripuecha ka kʼamajkuatiksï uarhiperakuani, pʼamenchakuani ka uarhikuani

Jeoba uandantasïndi eska Jesusi jindeska Mesiasi. Axaspti Parhakpinirhu paraka aianhpipiringa Tata Diosïri Juramukuani ka para uarhini kʼuiripuechani jimbo. Enga Jesusi uarhijka, Jeoba tsítantasïndi ka úsïndi eska ménderu espiritu máeuaka

Tata Diosï, Juramuti úsïndi Kristuni auandarhu, ka uénasïndi ultimu jurhiatikuecha parhakpinirhu. Jesusi exeni jarhasïndi na enga uandanhantani jarhajka Tata Diosïri Juramukua iámu parhakpinirhu

Jeoba arhisïndi Uájpani eska uénakia juramuni Parhakpinirhu. Tata Diosïri Juramukua kʼamajkuasïndi kʼuiripueri juramukuechani, sési jántskantasïndi Echerini ka pʼikurhiantasïndi pekaduni imechani engaksï no méni jurajkuaka. Nóteru méni uandanhati eska Jeoba no jatsiska sésikua para juramuni ka imeri arhinhakua pímbinhasïuati para méntkisï