¿Néspi Jobu?

Ireta Usi jimbo, achamasï ma irekaspti enga Jeobani marhuakuaenga. Jobu arhinhasïrendi, rikuespti ka kʼéri ma familia jatsispti. Ambakiti kʼuiripu máespti, jarhuataasïrendi pobrichani, biudechani ka sapiichani engaksï no káuenga tátichani. Sési ambe úsïrendi. ¿Exesïniri eska ísï úparini no ma problema jatsienga?

Jobu no mítispti, peru Satanasi exexapti. Jeoba arhispti Satanasini: “¿Exexakiri juchiti marhuatspiri Jobuni? No nema jarhasti echerirhu enga ísïika eska inde. Kurhandisïndi ka sési jámani”. Satanasi arhispti: “Jo, kurhajchasïndikini, jimbokari kuájchakusïnga, újchakurasïngari ka íntskusïngari echerichani ka animalichani... Euanta iámu ambe ka nóterukini marhuachiatia”. Jeoba arhispti: “Uákari tsʼéjkuni, peru asï uándiku”. Jeoba jurajkuspti eska Satanasi tsʼéjkupiringa Jobuni, ¿mítiskiri andi? Jimboka seguru jarhaspka eska Jobu seguiripiringa marhuakuni.

Satanasi no sési jásï ambe úkuspti Jobuni para tsʼéjkuni. Primeru, sabeuechani úraaspti paraksï sïpakuani uákasïchani ka burruechani. Tátsekua, kurhupekua ma uándikuaspti karichichani. Máteru kʼuiripuecha engaksï jindepka kaldeosi, sïpakuasptiksï kameiuechani. Ka ístuksï uarhispti jántspiricha engaksï kuidariani japka animalichani. Ka tátsekua, eiangunhaspti sánderu no sési jásï ambe: iámindu Jobueri uájpechaksï uarhispti enga kʼumanchikua jatajchakuapka jima engaksï tʼireni japka. Jobu no sési pʼikuarheraspti, peru no jurajkuspti Jeobani.

Satanasi uékasïrendi eska Jobu sánderu sufriripiringa, úspti eska iámu pixirhekuarhepiringa ka eska kánikua pʼamerhekuarhipiringa. Jobu no mítispti andisï xáni no sési nitamanchani japi, peru seguirispti marhuakuni Jeobani. Tata Diosï sési pʼikuarheraspti enga Jobu ísï úpka.

Tátsekua, Satanasi axaaspti tanimu achatichani para tsʼéjkuni Jobuni. Imaksï arhispti: “Tʼuri pekarika ka iásïri uékania jískani. Jimbokinisï Tata Diosï kastigarini jati”. Jobu arhiaspti: “Ji no ma ambe no sési úska”. Peru tátsekua, uénaspti eratsini eskaksï imeri problemecha Jeobaeri kulpespka ka uandaspti eska no jurhimbikua jingoni kámaxapka.

Tumbi ma enga Eliu arhinhaenga, ísku kurhaxapti ambe engaksï uandani japka. Peru tátsekua, arhiaspti: “No ísïsti eskajtsï na uandaka. Jeoba ambakitisti, juchachi no jamberi úsïnga kurhanguni, ima no méni no sési ambe úpirindi. Ima iámindu ambe exesïndi ka jarhuatasïndi kʼuiripuni enga problemechani jatsiajka”.

Jeobajtu uandaxespti Jobu jingoni. Ka arhispti: “¿Naniri jarhaspi engani auandani ka echerini kueraapka? ¿Andirisï eratsijki eskani no jurhimbikua jingoni jámasïnga? Nori mítiparini uandasïnga ambe ma”. Jobu kurhanguspti eska no sési úspka ka uandaspti: “No sési úska. Puáchintarini ambe engani uandaka. Kurhaspka chiiti ambe, perukini iásï kʼóru mítiskia ka exesïnga eskari iámindu ambe úsïnga úni”.

Engaksï kʼamakurhipkia tsʼéjkukuecha, Jeoba tsinaspti Jobuni ka sánderu kánikua ambe íntskuntaspti. Jobu ióni irekaspti ka tsípikua jingoni. Jeoba kóndintaspti, jimboka méntkisï kurhajchaspka nájkiruka ménisï no fásilipka. ¿Ka tʼuia? ¿Ísïuari eska Jobu ka marhuakuari Jeobani ambe uéjki úkuarhini?