Juanueri bisionicha

Enga apostuli Juanu ónhakuarhitini japka islarhu de Patmosi, Jesusi 16 bisionichani o imajenichani exeraaspti ambe enga úkuarhiaka sánderu orhepani. Imani bisionicharhu, Juanu exespti na enga pímbinhajkunhantaaka Jeobaeri nombri, na enga juuaka imeri Reinu ka na enga úkuarhiaka ambe enga ima uéjka parhakpinirhu ísï eska auandarhu.

Bisionirhu ma, Juanu exesïndi Jeobani auandarhu, imeri tronurhu. Uirhipandani, 24 orhejtsïkutichaksï jarhasti. Xukuparhakua urapiti jukarini ka korona orueri ma. Tronurhu, uérasïndiksï lusicha ka ruiduecha komu piritakueri. Ima 24 orhejtsïkutichaksï tinguixurhikusïndi Jeobani ka kómarhini. Máteru bisionirhu, Juanu exeasïndi uánikuechani, iámu nasionicheri, iretecheri ka idiomecheri engaksï Jeobani kómarhijka. Ka Karichi enga Jesusika, kuidariuasïndi ka paasïndi jima enga itsï tsípikueri jaka. Tátsekua, máteru bisionirhu, Jesusi uénasïndi juramuni komu rei auandarhu 24 orhejtsïkuticha jingoni. Máteru bisionirhu, Juanu exesïndi Jesusini uarhipeni jarhani Dragoni jingoni, enga Satanasika ka imeri demoniuecha. Jesusi uekopantaasïndi ka echerirhu kʼuanijpaasïndi.

Tátsekua, Juanu sési jásï bisioni ma exesïndi, Karichini ka 144,000 erakukatechani Sioni anapu juáta jimbo anhandetinksï jarhani. Ístu, ánjilini ma exesïndi enga kárajka interu parhakpini, uandaparini: “Kʼéri ambe arhi je Tata Diosïni ka jukaparhara je”.

Máteru bisionirhu, exesïndi Armajedoniri guerrani. Jima, Jesusi ka imeri ejersitu kʼamajkusïndi iámu no sési ambeni enga Satanasi újka. Últimu bisionirhu, Juanu exesïndi eska auandarhu ka echerirhu, iáminduksï sési pájperasïnga. Jeoba, kʼamajkusïndi Satanasini ka imeri chúxapatichani. Ka auandarhu ka echerirhu, iáminduksï Tata Diosïri nombrini pímbinhasï exesïndi ka imantkuksï kómarhini.