Jerusaleni kʼamajkunhasïndi

Juda anapuechaksï uánikua uelta jurajkuspti Jeobani ka diosï no jurhimbitichanksï kómarhiaspti. Imani tiempu jimbo, Jeoba uékaspti jarhuataani, axakupariani uánikua profetechani. Peru kʼuiripuechaksï no kasu úkuasïrendi ka teresmarhuanksï. Jeoba uékasïrendi eskaksï nóteru idoluechani kómarhiapiringuia. ¿Néna úpirini indeni ambe?

Babilonia anapu rei Nabukodonosori, mándani ireta kʼamajkupaxapti. Primeru uelta enga kʼamajkupka Jerusalenini, rei Joakinini jupikaspti, prínsipechani, soldaduechani ka artesanuechani ka Babilonia paaspti. Ístu, páspti Jeobaeri templurhu anapu tesoruni. Tátsekua, Nabukodonosori uandaspti eska Sedekiasi reipiringa Juda.

Uénani jámani, rei Sedekiasi kurhajchasïrendi Nabukodonosorini. Peru profeta no jurhimbiticha ka kʼuiripu máteru paisirhu anapuecha engaksï jima no iauani japka, arhisïrendiksï Sedekiasini eska nóteru kurhajchapiringuia. Peru Jeremiasi arhispti: “Engari nóteru kurhajchaskia, Juda anapuechaksï uarhiati, kʼarhindekua jauati ka pʼamenchakua ambe”.

Ochu uéxurhini tátsekua, rei Sedekiasi nóteru uékasptia kurhajchani Babiloniani ka Ejiptueri ejersituni kurhakuspti jarhuajperata. Jimajkani, Nabukodonosori imeri ejersituni axaspti para nirani kʼamajkuni Jerusalenini. Babiloniaueri ejersitu, uirhipandaspti Jerusalenini ka jima akamparispti. Jeremiasi arhispti Sedekiasini: “Jeoba uandasïndi eska engari no uarhipeska Babilonia jingoni, tsípitiri pakaraaka ka iretajtu ísï. Peru engari uarhipeska, imaksï kurhiraati Jerusalenini ka jupikaatiksïni”. Sedekiasi uandaspti: “¡Ji no entregarikuarhiaka!”.

Ma uéxurhini ka terojkani tátsekua, Babilonia kuaskuspti ma parti Jerusaleniri bardechani. Jimesïksï inchaakuspti iretarhu ka kurhirasptiksï. Ístuksï kurhiraspti templuni, uánikuechanksï uándikuaspti ka uánikuaksï jupikata paaspti Babilonia.

Sedekiasi sïpakuarhispti Jerusaleni uératini, peru babiloniuechaksï niraspti andanguni, Jeriko no iauanksï jupikaspti ka rei Nabukodonosorinksï pákuspti. Rei, úspti eska Sedekiasi exepiringa na engaksï uándikuauenga uájpechani. Tátsekua, siegu pakataspti ka ónhani. Ka Sedekiasi jima uarhispti. Peru Jeoba arini ambe aiakuaspti Juda anapuechani: “Enga 70 uéxurhini nitamaakia, pántaakaksïni chári iretarhu jini Jerusaleni”.

¿Ambe úkuarhipirini tumbiicha jingoni engaksï Babilonia pánhapka? ¿Seguiripirinksï marhuakuni Jeobani?