PIREKUA 24
Ju je karhamani Jeobaeri juátarhu
(Isaías 2:2-4)
1. Xáni enga kʼéka Jeobaeri juáta
iáminduksï úsïndi exeni.
¡Xé je! Xáni iótakuarhu jaka
Tata Jeobaeri juáta.
Uánikua kʼuiripu jarhasti
enga jini nirani jaka.
¡Ju je, ju je májku kʼéri
marhuakuni Tata Jeobani!
Tata Diosï uandasptia:
“Namunituksï niáraati uánikueni”.
Jucha iásï uániskia;
Jeobajtsïni újchakuraxati.
Uánikua kʼuiripu jarhasti
enga andarherani jaka.
Ju je parachi Jeobaeri
Juramukua jimbo jarhani.
2. Kristu uandasti eska jucha
aianhpini nipiringuia.
¡Ju je! Ju je aianhpini
Tata Diosïri ambe.
Iáiasï Jesusi jindesti
engajtsïni juramuchiaka.
¡Xáni sési! Jiáni kʼóruchi
sési irekaakia para méntkisï.
¡Sési ambesti iásï exeni
na engaksï sánderu uánini jakaia!
Ambe engachi úni jaka,
úxati eskaksï uáka mítini Jeobani.
Ju je pʼímarhinia
imani enga kaxumbitiika:
“¡Ju je, ju je karhamani
Jeobaeri juátani jimbo!”.
(Ístu exe je Sal. 43:3; 99:9; Is. 60:22; Uku. 16:5).