Mímixekua sánderu ambakiti ambesti eska oru

¿Andisï xáni jukaparhakue Tata Diosïri mímixekua? Jimboka kuájchakuasïnga imechani engaksï mímixetika paraksï no no sési ambe úni ka paraksï seguirini irekani. Jarhuataasïndi ambakiti jángua ma jatsini, ambakiti úkuechani uáni ka sési járhati uandakuechani úraani.

Mímixekuajtsïni kuájchakusïndi parachi no kʼéramakuarhini

16:18, 19

• 

  Ima enga mímixetika, kurhangusïndi eska Jeobajkusï íntspijka mímixekua.

• Imechani enga sési nikuajka o engaksï intsïnhajka ambakiti ánchikuarhita ma, jatsistiksï para jingontku jámani paraksï no kʼéramakuarhini.

Mímixekuajtsïni jarhuatasïndi ambakiti ambe uandontskuarhini

16:21-24

• 

  Mímixeti ma, ambakiti ambe exesïndi máteruecheri ka sési ambe uandasïndi imecheri.

• Mímixeti ma, no no sési kámpisïndi ni no sési arhijpini, sánderu sési imeri uandakuechaksï sési pʼikuastpisïndi ka tésïndiksï ísï eska tekolmena.