Kʼéri kóntperatesti uaani ka kuidariani lugarichani engachi tánguarhijka

Nájkiruka uétarhipka tumina ka kánikua jánguarhintani para úni templuni Israeli, israelitechaksï kánikua tsípikua jingoni jarhuajpispti (1Cr 29:2-9; 2Cr 6:7, 8). Tátsekua, na engaksï arreglariuenga templuni xarhatasïrendi na jásï pájperakuaksï ma jatsispi Jeoba jingoni (2Re 22:3-6; 2Cr 28:24; 29:3). Iásï, kristianuechachi úrasïnga kánikua tiempu ka uinhapikua para uaani, sési jájkuantani ka arreglariuani Kʼumanchikuechani Reinueri ka Kʼéri tánguarhikueri. Kʼéri kóntperata máesti úni jarhuatani ka kómarhini Jeobani ini ambe úparini (Sl 127:1; Jaŋ 7:15).

¿NÉNACHI UÁ JARHUAJPINI?

• 

  Sési péntaparini iámu ambe enga tánguarhikua kʼamaraakia. Sési jurajkuparini ka limpiu sikiera jima engachi uaxakaka.

• 

  Jukaparhakuesti apoiarini programani para sési jájkuntani ka arreglarini Kʼumanchikua Reinuerini. Sánderu fásilisïndi uaani ánchikuarhitechani ka tsípikua jingoni engaksï uánijka jarhuajpiricha (lv páj. 107 párr. 18).

• 

  Uákachi íntspini tumina. Jeoba agradeserisïndi engachi mintsita jingoni íntspijka, nájkirukaksï “tsimani” moneda sapirhatiuaka engaksï sántku jukaparhakueka (Mr 12:41-44).

• 

  Méntkisï engachi uáka, uákachi jarhuajpini uaani ka sési jájkuantani imani lugarichani engaksï marhuajka para kʼéri ambe arhini Jeobani. Para jarhuajpini, no uétarhisïndi kánikua mítini konstruksioniri ambe.