Nénachi uá mintsitarhu niárakuni imani engajtsïni kurhajchajka
1. ¿Néna pʼikuastaaspi Jesusiri chúxapatichani ambe enga ima jorhendaapka?
1 Jesusi mintsitarhu niárakuaspti imechani engaksï kurhajchaenga, jimbosï ma uelta Biblia uandajti eskaksï chúxapaticha mintsitarhu ‘pʼikuarhinhisïrenga’ enga ima aianguauenga Bibliaeri ambe (Luk. 24:32). Jatsiskachi para mintsitarhu uératini kurhajchani Tata Diosïni; ísï jimbo, ¿nénachi uá jarhuataani estudiuechani paraksï erakuni mójtakuni imecheri irekua? (Rom. 6:17.)
2. ¿Nénajtsïni jarhuatasïni mintsitarhu niáratspeni iatsitakuarhu arhijpini ka kurhangutspini?
2 Ju je kurhangukuani ka iatsitakuarhu arhiani. No iámindu kʼuiripu mójtakurhisïndi nomasi jimbokachi arhiaka ambe sési jarhaski ka ambe nómbe. Arhikuantani uánikua textu engaksï xarhatajka eskaksï imecheri jakajkukuecha no sési jarhaska, uáti úni eskaksï no jiókuarhiaka eianhperakuani. Para jarhuataani, orhetachi jatsiska para kurhanguni andiksïsï ísï jakajkujki ka ísï jámani. Engachi ambakiti kurhamarhikuechani úkuaska ka iatsitakuarhu arhiani, jarhuatauakachi parajtsïni arhini ambeksï eratsisïni (Prov. 20:5). Soluchi jiájkani uáka jirinhantaani ka erakuani textuechani engaksï mintsitarhu niárakuauaka. Jimbosï xáni jukaparhakueti uandanhiani imecha jimbo ka tekantani (Prov. 25:15). Miá je eskaksï no iáminduecha májkueni kʼuiripesïnga para Tata Diosïri ambe jingoni. Tiempu uétarhisïndi para Jeobaeri espiritu santu jarhuataani ménderueni jámani ka eratsini (Mar. 4:26-29).
3. ¿Nénachi uá jarhuataani estudiuechani paraksï ambakiti jánguechani jatsiani?
3 Juchari jarhuajperata jingoni niáraatiksï ambakiti jánguechani jatsiani. Exeani imecha jingoni máru textuechani engaksï uandajka Jeobaeri pʼamojperakueri ka xénchperakueri, jarhuatauati ambakiti jánguechani jatsiani. Paraksï exeni nájtsïni xáni jukaparharasïni Tata Diosï, uákachi arhintani Salmos 139:1-4 ka Lukasʌ 12:6, 7. Enga nema meru agradesidu jarhajka Jeobaeri pʼamojperakua jimbo, imeri uékperakua ka jakajkukua Jeobani jimbo kánesïndi (Rom. 5:6-8; 1 Juanu 4:19). Ístu, engaksï jorhenguarhiaka eska imecheri jángua úsïnga sési o no sési pʼikuastani Jeobani, uékaatiksï úni ambe enga tsíperaaka ka kʼéri ambe arhini (Sal. 78:40, 41; Prov. 23:15).
4. ¿Nénachi uá májkueni úni eska Jeoba engachi jorhentpiaka jurhimbikueri ambe?
4 Jeobajtsïni no afuersa úraasïndi imeri juramukuechani, sánderu sési, exerasïndijtsïni na enga xáni sésiika para jucha, úni ambe engajtsïni arhijka (Is. 48:17, 18). Májkuenchi úsïnga eska Jeoba engachi újka eskaksï estudiuecha mísmu kurhanguaka ambe engaksï jorhenguarhikia. Ini jimbo, ambe engaksï mójtakuaka, sánderu ióni marhuakuauati (Rom. 12:2). Ísï úparini, sánhani arhiatiksï andarherani Jeobani, “ima enga mintsitechani exeajka” (Prov. 17:3).