BIBLIOTEKA INTERNETIRHU Watchtower

¿Ísïchi jukaparharasïni tsípikuani eska Tata Diosï?

“Tata Diosïri xénchperakuarhu ja je”
- 5, 6. ¿Néna xarhataspti Moisesiri Lei eska iurhiri jatsiska para respetarinhani ka eska kánikua jukaparhakueska? (Exe je rekuadruni “Ju je respetarini animalicheri tsípikuani”.)
  
  ⁵ Moisesiri Lei, xarhatasïrendi eska iurhiri, tsípikuani arhikuekasïrenga ka eska iurhiri jatsiska para respetarinhani. Levítico 17:10, 11 jimbo, Jeoba uandasïndi: “Enga kʼuiripu ma [...] auaka náki uéjki jásï iurhiri. Ji no sési exeaka imani kʼuiripuni enga iurhiri arhani jauaka, ka uándikuaka imeri iretarhu. Jimboka tsípikua kʼuiripitaeri iurhirirhu jarhaska, ka jíksïni mísmu íntskuska altarirhu parajtsï puáminhantani, jimboka iurhirisï újka eska puáminhantaaka imani tsípikua jimbo enga jima jaka” (exe je rekuadruni “Iurhiri uáti úni eskachi puáminhantaaka pekaduechani”.)a
  
  IURHIRI UÁTI ÚNI ESKACHI PUÁMINHANTAAKA PEKADUECHANI
  
  Bibliarhu, iurhiri májkueni exekuarhisïrendi eska tsípikua. Ísï jimbosï israelita ma uáendi ambe ma úni enga pekadu ma uáenga. Enga israelita moantenga, animalini ma uándikusïrendi ka Tata Diosïri altarirhu kéjtsïtasïrendi (Levítico 4:27-31). I kéjtsïtakua úsïrendi eska israelita puáminhantapiringa pekaduechani, peru no para méntkisï.
  
  Peru ísïsti, iurhiri animaliri ma, no úsïrendi úni eskachi Adaniri pekaduni puáminhantapiringa para méntkisï o eska sési ójchakurakata pakarapiringa, ísï eska mandelasï ma na sési ójchakurajka mesani ma. Peru enga ísï kéjtsïtanhaenga animalichani, jindespti para xarhatani imani kéjtsïtakuani enga úkuarhipiringa sánderu orhepatini ka enga úpiringa eskachi puáminhantapiringa pekaduechani para méntkisï (Ebreu 10:1, 4).
  
  Úsïngachi sési puáminhantani pekaduechani solu “imeri kuerpuni jimbo [Jesukristueri] enga solu ma ueltajku kéjtsïtakua únhaka” (Ebreu 10:10). Tata Jesukristueri tsípikua enga no ma pekadu jukarapka, ka enga imeri “iurhiri jimbo” representarinhapka, “enga kánikua jukaparhaka”, i tsípikuasï úpti sési terokukuntani imani tsípikuani enga Adani tsïtapka (1 Pedru 1:19). Ísï, tata Jesukristu kánikua uékperakua xarhatasti ka mímixekua, ka íntspesti ambe enga uétarhienga, ka ísïjtsïni andapichisti “pʼímutantskua para méntkisï” (Ebreu 9:11, 12; Juanu 3:16; Jaŋaskuecha 7:14).

¿Ísïchi jukaparharasïni tsípikuani eska Tata Diosï?

“Tata Diosïri xénchperakuarhu ja je”
- a Rebista ma enga arhinhajka Investigación y Ciencia ini ambe uandasïndi i uandakuecheri ambe “tsípikua kʼuiripitaeri iurhirirhu jarhas[ti]”: “Mítiskachi eska enga uandanhajka eska tsípikua iurhirirhu jarhaska, ambe ma arhikuekasïnga. Peru ístu i ambe meru ísïsti: iámindu jásï sélulaecha engaksï iurhirirhu jaka jukaparhakuestiksï para nema tsípiti jarhani”.