• ¿Ambe uandasïni Biblia ánjelicheri ambe?
    ¡Méntkisï tsípikua jingoni ireka je! Bibliaksïni uáti jarhuatani
    • Uánikua ambe engaksï úrajka para sïkuamikua ambe niátani: tabla ma para míteni ambe enga úkuarhiaka sánderu orhepatini, bola de cristal, libru ma enga bampiruecheri ambe uandajka, barajecha tarotiri, monuecha vudúeri, insiensu, amuletuecha, fetiches ka máteru ambe.

      5. Asï jiókuarhi je sïkuamikueri ambe

      Satanasi ka imeeri demoniuechaksï Tata Diosï Jeobaeri ikiatspitichesti ka ístu juchaari. Arhinta je Lukasʌ 9:38-42 ka uandontskuarhi je íri ambe:

      • ¿Demoniuechaksï néna kaasïni kʼuiripuechani?

      Nóchi uékasïnga úni ambe engaksï demoniuecha uéjka. Arhinta je Deuteronomio 18:10-12 ka uandontskuarhi je íri ambe:

      • ¿Ambeksï úsïni demoniuecha parakachi imani ambe uaaka engaksï imeecha uékajka ka parachi imeecha jingoni uandontskuarheni? ¿Jimeesïsï engajtsï chá irekaka ambe ka ambeksï úsïni kʼuiripuecha enga sïkuamikueri ambeeka?

      • ¿Exesïntsï eska sési jarhaska ambe enga Tata Diosï uandajka eskachi no uaaka enga sïkuamikueri ambeeka? ¿Andi?

      Exe je BIDEUNI ka uandontskuarhi je íri ambe:

      BIDEU: “Asï jiókuarhi je Noambakitini” (5:02)

      • ¿Exesïntsï eskaksï úpiringa no sési ambe úkuarhinchani imani amuletu jimbo enga Paleseri charhaku jukajkuratini japka? ¿Andi?

      • ¿Ambe jatsispi para úni Palesa para kuájchakukuarhini demoniuecheri?

      Jurhimbiti kristianuechaksï no úsïndi imani ma ambe enga demoniuecheri ambeeka. Arhinta je Ukuecha 19:19 ka 1 Korintu 10:21, ka uandontskuarhi je íri ambe:

      • ¿Andisï xáni jukaparhakue eskajtsï kʼamajkuaka iámindu ambe enga sïkuamikueri ambeeka?

      Kʼuiripu ma uánikua ambe kurhiraxati sïkuamikueri ambe.
  • ¿Seguirini jarhasïni irekani nema enga uarhijkia?
    ¡Méntkisï tsípikua jingoni ireka je! Bibliaksïni uáti jarhuatani

    • 2. ¿Nénajtsïni jarhuatasïni míteni jurhimbikua uarhikueri ambe?

      Uánikua kʼuiripuechaksï chésïndi uarhini ka ístuksï chérhiasïndi uarhirichani. Engajtsï chájtu ísï pʼikuarherajka, míteni ambe enga Biblia uandajka uarhikueri ambe uaatiksïni jarhuatani parajtsï nóteru chénia. Jesúsi uandaspti: “Jimbokajtsï míteaka ambe enga jurhimbikueka, chájtsï nóteru jántspiriuakia” (Juan 8:32, TNM). Biblia no uandasïndi eska ambe ma tsípiti pakarasïnga enga nema uarhijkia, ísï eskaksï na jorhentpijka máru relijionicha. Ísï jimbo, enga nema uarhijkia no kómu nitamakuarhini jarhasïndi. Ka jimbokaksï uarhiricha nóteru ambe ma mítesïngia, nójtsïni úsïndi no sési ambe úchini. Jimbosï no uétarhijti uandatsekuarhikuani ni úni ambe ma parajtsïni no no sési ambe úchini o parachi kómarhiani.

      Máru kʼuiripuechaksï uandasïndi eskaksï úsïnga uandontskuarheni uarhiricha jingoni, peru inde ambe no méni uaati ísï úkuarhini. Jimboka ísï eskachi na exekia, uarhirichaksï “méntku nóteru ambe ma mítestia”. Imeecha engaksï jakajkujka eskaksï uarhiricha jingoni uandontskuarhesïnga, jamberiksï demoniuecha jingoni uandontskuarheni jarhajti, engaksï uéjka ísï xarhatani eskaksï imeeska engaksï uarhikia. Ísï jimbo, míteni jurhimbikua uarhikueri ambe kuájchakusïndijtsïni demoniuecheri. Ka Jeobajtsïni arhisïndi eskachi no jámaaka uandontskuarheni uarhiricha jingoni, jimboka ima míteska eskachi demoniuecha jingonisï uandontskuarheni jarhajka ka i ambejtsïni uaati no sési úchini (arhinta je Deuteronomio 18:10-12).