2. ¿Náki bisiuechanchi jatsiski para jurajkuani parachi úni pímbinhasï jarhani?

Bibliajtsïni arhisïndi: “Jaue pímbinhasïntani para iámindu indeni no sési jásï ambe jingoni enga kuerpu újka ka enga mintsita tamapu eratsejka” (2 Korintu 7:1). Ísï jimbochisï jánguarhintajka no úni imani ambe enga no sési úkuaka juchaari kuerpuni o juchaari eratsekuani. Ka jimbokachi uékasïnga eska Tata Diosï sési pʼikuarheraaka imani ambe jingoni engachi eratsejka, kánikuachi jánguarhintasïnga parachi no ikichakueni jásï ambe eratseni (Salmo 104:34). Ístuchi méntkisï jánguarhintasïnga imani ambe uandani enga sési jauaka (arhinta je Kolosasi 3:8).

¿Ambe máteru ambe úpirini úni eska no limpiu jauaka juchaari kuerpu o eratsekua? Jarhasti máru ambe enga uáka no sési úkuni juchaari kuerpuni. Ísï jimbo, nóchi itsutasïnga, nichi úrajki droga ambe ni jukari arhani medisina ambe. Engachi no újka ini ambe, kuidarinchi jarhasïnga juchaari kuerpuni ka xarhatasïngachi eskachi jukaparharasïnga tsípikuani. Ístu, paraka juchaari eratsekua ka jángua limpiu jauaka, jánguarhintasïngachi no úni ikichakueni jásï ambe komu masturbarhikuarhini o pornografia ambe exeni (Salmo 119:37; Efesu 5:5). Uaati úkua jukani jurajkuani ini bisiuechani, peru Jeoba listu jarhasti parajtsïni jarhuatani (arhinta je Isaías 41:13).

5. Jánguarhinta je jurajkuani no sési járhati úkuechani ka no sési járhati eratsekuechani

Arhinta je Kolosasi 3:5 ka uandontskuarhi je íri ambe:

• ¿Nénachi míteski eska pornografia exeni, mensaji axatsperani fotuechani o bideuechani ísku jándikueri ambe ka masturbarhikuarhini jindeeska ikichakueni jásï ambe para Tata Diosï Jeoba?

• ¿Exesïntsï eska sési jarhaska engajtsïni Tata Diosï Jeoba arhijka eska juchaari jángua ka eratsekua pímbinhasïuaka? ¿Andi?

Exe je ambechi uaa úni parachi nóteru eratsenia ikichakueni jásï ambe. Exe je BIDEUNI.

BIDEU: Ju je úni ambe ma parachi seguirini pímbinhasï jarhani (1:51)

Jesúsi úraspti ejemplu ma parajtsïni jorhendani ambechi jatsiski para úni engachi uéjka limpiu jarhani juchaari jángua ka eratsekua jingoni. Arhinta je Mateu 5:29, 30 ka uandontskuarhi je íri ambe:

• Jesúsi no arhikuekaxapti eskachi jatsiska para no sési ambe úkuarhini, sino eskachi jatsiska para úni ambe ma. ¿Ambechi jatsiski para úni parachi no ikichakueni jásï ambe eratseni?b

Engajtsï jánguarhintani jaka nóteru ikichakueni jásï ambe eratseni, uaakajtsï seguru jarhani eska Tata Diosï Jeoba kánikua jukaparharasïnga engajtsï ísï úni jaka. Arhinta je Salmo 103:13, 14 ka uandontskuarhi je íri ambe:

• Engajtsï no úni jaka jurajkuni bisiu ma, ¿exesïntsï eskaksïni i tekstuecha uaaka jarhuatani parajtsï úni orhepani uérani? ¿Andi?

¡Asï kuatanta je! Seguiri je jánguarhintani

Sánderu fásiliipirindi uandani “Ménderuni ísï úskia; no uaakia”. Peru eratsi je ini ambe. Enga nema uiriini jarhajka ka téksarhutani ka kuarhatseni, no arhikuekasïndi eska tsïtaskia karrerani o eska ménderu uéntaaka. Ka májkuenisti, engajtsï chá ménderu uéntaska bisiu ma jingoni, no arhikuekasïndi eskajtsï no uaaka jurajkuni ini bisiuni. Ka uaakajtsï sési pʼikuarherani imani ambe jimbo engajtsï sési úkia. No arhiati engajtsï ménderu uéntaka ini bisiu jingoni, jimbokajtsï sánhani arhiaka jurajkuni ini bisiuni. Ísï jimbo, ¡asï kuatanta je! Jeobaeri jarhuajperata jingontsï uaaka jurajkuni no sési jásï bisiu ma.