-
Ju je xarhatani eskachi jukaparharasïnga tsípikuani¡Méntkisï tsípikua jingoni ireka je! Bibliaksïni uáti jarhuatani
-
-
2. ¿Nénachi uaa xarhatakuni Tata Diosï Jeobani eskachi jukaparharasïnga tsípikuani?
Desde jiáni enga chaari nándi embarasada pakarapka, Tata Diosï Jeobaksïni ueenaspti exeni. Tata Diosï Jeoba úspti eska imeeri marhuari Dabidi, kómarhikua ma jimbo uandapiringa: “Chiiti éskuechajtsïni exespti desde engani kánikua sapichkuepka matrisirhu” (Salmo 139:16). Chaari tsípikua kánikua jukaparhakuesti para Tata Diosï Jeoba (arhinta je Mateu 10:29-31). Tata Diosï Jeoba kánikua no sési pʼikuarherapirindi enga nema uékaparini uándikupiringa nemani o uándikukuarhini (Éxodo 20:13).a Ístu, no sési pʼikuarherapirindi engachi arriesgaripiringa juchaari tsípikuani o engachi no úpiringa ambe ma parachi kuájchakuni máteruecheri tsípikuani. Engachi jingontku jámajka parachi no ma ambe úkuarhinchani ka engachi jukaparharajka máteruecheri tsípikuani, xarhatanchi jarhasïnga eskachi jukaparharasïnga tsípikuani.
-
-
Ju je xarhatani eskachi jukaparharasïnga tsípikuani¡Méntkisï tsípikua jingoni ireka je! Bibliaksïni uáti jarhuatani
-
-
a Tata Diosï Jeoba kánikua uandanhiasïndi imeecha jimbo engaksï no sési pʼikuarhinheni jarhajka mintsitarhu (Salmo 34:18). Ima kurhangusïndi enga nema xáni no sési pʼikuarherani jarhajka enga jamberi uékajka uarhini ka uékasïndi jarhuataani imeechani engaksï ísï pʼikuarherani jarhajka. Exe je na engaksïni uaaka kánikua jarhuatani ari artikulu “¿Nénarini uaa jarhuatani Biblia engani nóteruni uékajkia irekani ka eratseni jarhani uándikukuarhini?”, enga partirhu jaka “Ístu exe je ini ambe” i jorhenguarhikueri.
-