¿Nénachi uaa míteni néksï meru jindeeski Jesúsiri chúxapaticha?

Uánikua kʼuiripuechaksï uandasïndi eskaksï kristianueska, peruksï no iámindu májkueni ambe jakajkusïndi ka niksï májkueni jángua ma jatsini. Jimajkani, ¿nénachi uaa míteni néksï meru jindeeski Jesúsiri chúxapaticha?

1. ¿Né jindeeski kristianu ma?

Kristianuechaksï Jesukristueri chúxapatiisti (arhinta je Ukuecha 11:26). ¿Nénaksï xarhatasïni eskaksï Jesukristueri chúxapatiska? Jesúsi uandasti: “Engajtsï chá méntku jauenaska úni eskaksïni ji na arhijka, sési jimbo chá jindeuaka juchiiti jorhenguarhiticha” (Juanu 8:31). I ambe arhikuekasïndi eskaksï ambakiti kristianuecha jatsiska para ísï úni eska Jesúsi na jorhentpipka. Imeecha engaksï meru Jesúsiri chúxapatika imani ambeksï jakajkusïndi enga Bibliarhu jaka, májkueni eska Jesúsi enga imani ambe jorhentpipka enga Tata Diosïri Karakatarhu japka (arhinta je Lukasʌ 24:27).

2. ¿Nénaksï xarhatasïni uékperakua jurhimbiti kristianuecha?

Jesúsi arhiaspti imeeri chúxapatichani: Uékpera je “máteru ka máteruni jingoni májku jásï eskaksïni ji na uékaka” (Juanu 15:12). ¿Néna xarhataspi Jesúsi eska xénchaasïreenga imeeri chúxapatichani? Arhutaspti tiempu para imeecha jingoni jarhani, uinhaperantaaspti ka jarhuataani, ka asta íntspispti imeeri tsípikuani imeecha jimbo (1 Juanu 3:16). Májkueni eska Jesúsi, ambakiti kristianuechaksï no solu uandasïndi eskaksï xénchperasïnga, sino ístuksï xarhatatsperasïndi uandakuecha ka úkuecha jingoni.

3. ¿Nákiski ánchikuarhita ambakiti kristianuecheri?

Jesúsi ánchikuarhita ma íntsaaspti imeeri chúxapatichani, eskaksï nipiringa aianhpini Tata “Diosïri Juramukueri [o Reinueri] ambe” (Lukasʌ 9:2). Orheta kristianuechaksï no solu jima aianhpisïreendi nani engaksï kómarhienga Tata Diosïni, ístuksï nirasïreendi aianhpini jimeesïsï enga uánikua kʼuiripu jámani jarheenga ka ístu kʼumanchikuecharhu (arhinta je Ukuecha 5:42; 17:17). Iásïjtu, jurhimbiti kristianuechaksï aianhpisïndi Bibliaeri ambe nani uéjkisï enga jámani jarhajka kʼuiripu. Jimbokaksï xénchaasïnga kʼuiripuechani, tsípikua jingonksï úrasïndi imeecheri tiempuni ka uinhapikuani paraksï aianhpini ka i ambe sési pʼikuastantaasïndi kʼuiripuechani ka úsïndi eskaksï erokuarhikua ma jatsiaka (Markusʌ 12:31).

JORHENGUARHI JE SÁNDERU AMBE

4. Jirinhantasïndiksï jurhimbikua ambe enga Bibliarhu jaka

No iáminduecha engaksï uandajka eskaksï kristianueska jukaparharasïndiksï ambe enga Biblia jorhentpijka. Exe je BIDEUNI ka uandontskuarhi je íri ambe:

BIDEU: Na enga ueenapka ikichakueni úkuarhini kristianismu (5:11)

• Uánikua imeecha engaksï uandeenga eskaksï kristianuespka, mámaru ambeksï úspti parakaksï kʼuiripuecha no mítepiringa ambe enga jorhentpipka Jesúsi, ¿ambe ka ambeksï xáni úspi?

Jesúsi jorhentpispti jurhimbikua ambe enga Tata Diosïri Karakatarhu jaka. Arhinta je Juanu 18:37 ka uandontskuarhi je íri ambe:

• Ísï eska na uandapka Jesúsi, ¿nénachi uaa míteni neeskiksï ima kristianuecha engaksï tsitijka ambe “enga sési jimboeka”?

5. Aianhpisïndiksï jurhimbikua ambe enga Bibliarhu jaka

Ante de Jesúsi karhanchentani auandarhu, arhiaspti imeeri chúxapatichani eskaksï úpiringa ánchikuarhita ma enga asta iásï jamberi úkuarhini jaka. Arhinta je Mateu 28:19, 20 ka Ukuecha 1:8, ka uandontskuarhi je íri ambe:

• ¿Asta káni ka nani jamberiksï jatsipirini para aianhpini?

6. Imani ambeksï úsïndi ambe engaksï aianhpijka

¿Andisï Tomi seguru japi eska exeantaspkia jurhimbiti kristianuechani? Exe je BIDEUNI ka uandontskuarhi je íri ambe:

BIDEU: Relijionirini no sési pʼikuastaspti (5:20)

• Eska na xarharajka bideurhu, ¿andisï relijioni no sési pʼikuastapi Tomini?

• ¿Andisï Tomi seguru jaki eska exentaskia jurhimbikuani?

Úkuecha jingonchisï jatsika para xarhatani eska ísïiska ambe engachi uandajka. Arhinta je Mateu 7:21 ka uandontskuarhi je íri ambe:

• ¿Ambe sánderu jukaparhakua ambeeski para Jesúsi: ambe engachi uandajka eskachi jakajkusïnga, o ambe engachi xarhatajka úkuecha jingoni?

7. Iáminduechaksï xénchperasïndi

¿Erachichaksï uékasïni íntspini imeecheri tsípikua máteru erachicha jimbo? Exe je BIDEUNI ka uandontskuarhi je íri ambe:

BIDEU: Listu jarhaspti para íntspini imeeri tsípikuani (2:55)

• ¿Ambe úspi eska erachi Lloyd uékapiringa jarhuatani erachi Johanssonini, nájkiruka úpiringa uándikunhani?

• ¿Exesïntsï eska ísï úspka eska na úpiringa ambakiti kristianu ma?

• ¿Nénaksï jatsipirini para kaani Jesúsiri chúxapaticha—jurhimbiti kristianuecha—imani kʼuiripuechani engaksï máteru raseka oksï máteru nanisï anapueni?

• ¿Ka nénaksï úpirini ísï úni enga guerra ambe úkuarhini japiringa?

AMBE ENGACHI JORHENGUARHIKA

Imeecha engaksï meru Jesúsiri chúxapatika imani ambeksï úsïndi enga Biblia jorhentpijka, jarhuataasïndiksï máteruechani jimbokaksï xénchpesïnga ka aianhpisïndiksï jurhimbikua ambe enga Bibliarhu jaka.

Ambejtsï jorhenguarhiski

• ¿Naniksï jupindaskuarhisïni jurhimbiti kristianuecha ambe engaksï jakajkujka?

• ¿Ambeksï xarhatasïni engaksï jimbo mítenhantajka eskaksï meru Jesúsiri chúxapatiska?

• ¿Ka náki ánchikuarhitaksï úsïni?

ÍSTU EXE JE INI AMBE

Sánderu sési mítea je imeechani engaksï jánguarhintani jaka ísï úni eska Tata Jesukristu na úpka ka ambe enga ima jorhentpipka.

¿Néskichi Jeobaeri testiguecha? (1:13)

Arhinta je na enga monja ma niárapka exentani “ambakiti familiani ma enga Tata Diosïni marhuakujka”.

“Biblia jingontsïni mókuchiantasti iámindu juchiiti kurhamarhikuechani” (Aianhpiri, 1 de abrili de 2014)

Exe je na engaksï ambakiti kristianuecha xarhatakuajka xénchperakua imani erachichani engaksï uétarhinchani jarhajka ambe ma.

Jarhuataasïngachi erachichani enga no sési ambe úkuarhijka (ma parti) (3:57)

Jesúsi uandaspti ambe engaksï jimbo mítenhantapiringa imeeri chúxapaticha. Exe je na engaksï iásï anapu kristianuecha májkueni ambe újka eskaksï orheta kristianuecha.

“¿Nénaksï mítenhantasïni jurhimbiti kristianuecha?” (Aianhpiri, 1 de marsu de 2012)