JORHENGUARHIKUA 58
Asï méni jurajku je Jeobani
Jurhimbiti Kristianuechachi sési eratsekata jatsiskia no méni jurajkuni eska ambe ma o eska nema uaaka eskachi nóteru marhuakuakia Jeobani. Seguruchi jarhaska eskajtsï chá ísï pʼikuarherasïnga ka Jeoba kánikua jukaparharasïndi engajtsï eratsekata jatsikia no méni jurajkuni (arhinta je 1 Crónicas 28:9). ¿Ambe úpirini jarhani engajtsï jimbo úkua jukanchapiringa parajtsï no jurajkuni Tata Diosïni? ¿Ka nénajtsï uaa orhepani uérani?
1. ¿Ambeksï úpirini úni máteruecha enga úpiringa úni eskachi jurajkuaka Jeobani?
Máru kʼuiripuechaksï jánguarhintaati úni ambe ma parachi jucha jurajkuni Jeobani. ¿Néksï úpirini i jásï ambe? Máru kʼuiripuecha engaksï jurajkukia jurhimbikuani, chkuanderakua ambeksï uandasïndi Tata Diosïri kúnguarhikueri ambe paraksï úni eskachi jurajkuaka Tata Diosïni. I kʼuiripuechaksï jindeesti apostatecha. Ístuksï jarhasti relijionirhu anapu orhejtsïkuticha engaksï chkuanderakua ambe etsakujka paraksï úni eskaksï máru jurajkuaka jurhimbikuani. Kánikuajtsïni no sési úchipirindi engachi jucha arhiantapiringa libruechani o engachi inchapiringa Internetirhu o exeani bideuechani ima kʼuiripuecheri engaksï ikiakujka Tata Diosïri iretani. Uandaparini imeecheri ambe engaksï uékapiringa úni eskachi jurajkuaka Tata Diosï Jeobani, Jesúsi uandaspti: “Jurajkua je imeechani. Sieguestiksï engaksï orhekupaajka máteru sieguechani, ka enga ma siegu orhekupaaka máteru sieguni, tsimarhanksï uarhinhiati posurhu” (Mateu 15:14).
2. Máru ambe engachi erakujka úni, ¿néna úpirini úni eskachi jurajkuaka Jeobani?
Kánikuachi xénchasïnga Jeobani jimbochisï no jatsika para imani ambe úni engaksï relijioni no jurhimbiticha újka. Jatsiskachi para xéparini jámani paraka juchaari ánchikuarhita o grupu ma engachi úpiringa inchamukuni, no imani ambe uaaka engaksï relijioni no jurhimbitiicha újka. Tata Diosï Jeobajtsïni arhisïndi: “Uéakunta je indeni iretarhu”, jo, eskachi uéakuntaaka K’éri Babiloniarhu uératini (Jaŋaskuecha 18:2, 4).
JORHENGUARHI JE SÁNDERU AMBE
Jorhenguarhi je ambejtsï uaa úni paraka no nema uaaka eskajtsï chá jurajkuaka Tata Diosï Jeobani. Ístu, exe je eskajtsï xarhatakusïnga Tata Diosï Jeobani eskajtsï no méni jurajkuaka engajtsï no úska imani ambe enga K’éri Babilonia újka.
3. Xéparini je imeecha jingoni engaksï no jurhimbitku jorhentpijka
¿Ambechi jatsiski para úni engachi ma repentku kurhaaska eska nema no sési ambe uandaska Jeobaeri kúnguarhikueri ambe? Arhinta je Proverbios 14:15 ka uandontskuarhi je íri ambe:
¿Andichisï jatsi para jingontku jarhani ka no jakajkuni iámu ambe engachi kurhauaka?
Arhinta je 2 Juanu 9-11 ka uandontskuarhi je íri ambe:
¿Nénachi jatsiski para exeani apostatechani?
Nájkirukachi no uandontskuarheaka apostata ma jingoni, ¿nénajtsïni úpirini no sési úchini ambe engaksï imeecha eratsejka?
Engachi kurhajchauaka imeechani engaksï no sési ambe uandani jauaka Jeobaeri ambe o imeeri kúnguarhikueri ambe, ¿na pʼikuarheraa Jeoba?
4. Asï jurajku je Tata Diosïni enga erachi ma pekadu ma úska
Engachi míteska eska nema kúnguarhikuarhu k’éri pekadu ma úska, ¿ambe erokuarhisïni Tata Diosï eskachi uaaka? Jorhenguarhi je prinsipiuni ma enga imani Lei jimbo jaka enga Tata Diosï ióntki anapu Israelini íntskupka. Arhinta je Levítico 5:1.
Eska na uandajka i bersikulu, engachi jucha míteaka eska nema k’éri pekadu ma úska, jatsiskachi para nirani orhejtsïkutichani aianguani ambe engachi míteka. Ísïisti, ante dechi úni i ambe, pʼamojperatachi xarhatani japiringa engachi arhipiringa imani kʼuiripuni enga pekadu úka, eska niuaka orhejtsïkutichani jingoni uandontskuarheni ka eska aianguauaka ambe enga úka. Peru enga ima no ísï úska, jimajkani juchachi aianguauaka erachichani parachi xarhatani eskachi uékasïnga Jeobani. Engachi ini ambe úpiringa, ¿andichisï xarhatani japirini uékperakua ka eskachi no méni jurajkuaka...
... Jeobani?
... kʼuiripuni enga pekadu úka?
... kúnguarhikuani?
Enga erachi ma no sési ambe niátaka, ¡jarhuata je!
5. Jarhari je Kʼéri Babiloniani
Arhinta je Lukasʌ 4:8 ka Jaŋaskuecha 18:4, 5, ka uandontskuarhi je íri ambe:
¿Útasï karakuarhitixaki juchiiti nombri relijioni no jurhimbitirhu?
¿Jarhaski grupu ma jimbo o organisasioni ma jimbo enga ánchikuarhijka máteru relijioni jingoni?
¿Juchiiti ánchikuarhita apoiariuasïni relijioni no jurhimbitichani?
¿Jatsiski parani máru ambe jimbo útasï jarharini relijioni no jurhimbitini?
Engachi mókuntaaka eska “jo” náki uéjki ini kurhamarhikuani, ¿ambechi jatsiski para úni?
Ambe uéjkini, ú je imani ambe enga sési pʼikuastaaka chaari konsiensiani ka enga xarhataaka eskajtsï no jurajkuaka Tata Diosï Jeobani.
¿Ambejtsï úpirini chá engaksïni nema arhipiringa parajtsï jarhuajpeni kúnguarhikuarhu ma enga relijioni no jurhimbiti ma jingoni ánchikuarhijka?
MÁRUKSÏ I AMBE UANDASÏNDI: “Peru engani no kurhauaka ambe engaksï apostatecha uandajka Jeobaeri testiguecheri ambe, ¿néna kuájpia jurhimbikuani?”.
¿Sési japirini ísï eratseni? ¿Andijtsïsï ísï uandajki?
AMBE ENGACHI JORHENGUARHIKA
Parachi no méni jurajkuni Tata Diosï Jeobani, nóchi jatsiska para kúrhiani imeechani engajtsïni uéjka támisï jánhastani.
Ambejtsï jorhenguarhiski
¿Andichisï no jatsi para exeni, arhintani o kurhaani ambe engaksï apostatecha uandajka?
¿Ambechi uaa úni engachi míteska eska erachi ma kʼéri pekadu ma úska?
¿Ambechi jatsiski para úni parachi kurhajchani juramukuani enga uandajka eskachi jatsiska para jarhariani relijioni no jurhimbitichani?
ÍSTU EXE JE INI AMBE
Jorhenguarhi je ambejtsï uaa úni engaksï máteruecha chkuanderakua ambe uandaaka Jeobaeri testiguecheri ambe.
“¿Jatsiskichi iámu informasioni?” (Aianhpiri, agostu de 2018)
¿Néna uaa míteni sini kúnguarhikua ma o ánchikuarhita ma apoiarisïni Kʼéri Babiloniani?
¿Ambeksï xáni úskia imeecha engaksï ikiakujka Jeobani parachi jucha nóteru mintsinharhinia Tata Diosïni?
Arhinta je na enga saserdoti sintoísta ma, jurajkuka relijioni no jurhimbitini, eksperiensiarhu “Sapichkuni ueenaspka jirinhani Tata Diosïni”.
“Biblia jarhuataasti mójtakuni irekua” (Aianhpiri, 1 de juliu de 2011)