Ambe enga kurhanguarhijka ima enga arhintajka

Enga erachi ma ka pirenchi ma engaksï no temungurhiriika, márku pakarapiringa ma chúri mísmu kʼumanchikuarhu ka imajkuksï jarhani, ¿arhikuekasïni eskaksï pekariska ka ísï jimbo uétarhini komite judisiali ma úni?

Jo. Engaksï no jaka rasonicha engaksï jimbo jatsipiringa para márku pakarani, jatsisti para komite judisiali ma úkuarhini jimbokaksï jarhaska pruebecha engaksï xarhatajka eskaksï ísku jándikua ambe niátaska (1 Kor. 6:18).

Orhejtsïkutichaksï kuidadu jingoni exesïndi mándani situasioni paraksï úni mítini sinksï jatsiski para komite judisiali ma úni. Por ejemplu, ¿xénchperasïnksï ima kʼuiripuecha? ¿Intsïnhaspiksïa konseju de na engaksï kámberenga? ¿Andiksïsï ima chúri tsimarhantku pakarapi mismu kʼumanchikuarhu? ¿Tʼuinksï eratsispia indeni ambe niátani? ¿Úkuarhispi ambe ma enga­ksï no úpiringa orhepani uérakuni, komu ambe ma engaksï no erokuarhenga o emerjensia ma enga úpka eskaksï mísmu kʼumanchikuarhu pakarapiringa ima chúri? (Ecl. 9:11). ¿Naniksï kʼuíspi? Jimboka mándani situasioni ménderueniska, uáti jarhani máteru ambe engaksï orhejtsïkuticha jatsika para exeni enga jukaparhakueka.

Engaksï orhejtsïkuticha exejkia ambe enga meru úkuarhika, exeatiksï sini uétarhisïni komite judisiali ma úni o nómbe.