¿Jorhenguarhixakijtsï xáni eskajtsï xáni újka ambe enga jorhentpijka Jeoba?
1. ¿Náki kampania jorhentperakueri úkuarhixaki?
1 Para Jeoba “sánderu Ambakiti Jorhentpiri”, jukaparhakuesti eskaksï imeri marhuaricha sési jorhendakata jauaka (Is. 30:20). Iásï, orhejtsïkuxati sánderu kʼéri kampaniani jorhentperakueri enga no méni úkuarhini japka. Ísï eska Isaiasi na uandapka, miioni kʼuiripu interu Parhakpiniri nirasïndi jima enga arhikuekajka “juáta Jeobaeri kʼumanchikueri” (Is. 2:2). ¿Para ambe? Para jorhendanhani Tata Diosïri xanharuechani, jo, para Jeoba jorhendaani (Is. 2:3).
2. ¿Nénaksïni jarhuataski jorhentperakua enga Jeoba íntspijka?
2 Sésichi preparadu jarhaska. ¡Xántsïni jarhuatakia Jeobaeri jorhentperakua! Ini jimbo mítiskachi eska Tata Diosï jukaska nombri ma ka eska uandanhiasïnga juchantsïni jimbo (Sal. 83:18; 1 Ped. 5:6, 7). Ístujtsïni íntskuasti mókuntskua sánderu kʼérati kurhamarhikuecheri komueskaksï ari: ¿Andichisï kómu nitamajki ka uarhini? ¿Nénachi uá sési irekani? ¿Para ambe marhuasïni tsípikua? Peru no inde ambejku, Jeobajtsïni jorhendasti néna jatsini ambakiti jángua ma engajtsïni jarhuataaka parajtsïni sési nicheni juchari irekuarhu (Jos. 1:8).
3. ¿Para ambeskiksï klasecha ka nénajtsïni uá jarhuatani?
3 Ístu Jeoba íntspesïndi ambakiti jorhentperakua para ima engaksï nótki jorhenajka arhintani ka karani. Klasecha para jorhenguarhini arhintani ka karani engaksï kúnguarhikuecha íntspiajka jarhuataastia uánikua eianhpirichani ka kʼuiripuni enga jorhenguarhijka Bibliaeri ambe. Enga uétarhiaka, kúnguarhikueri orhejtsïkutichaksï uáti uáni arregluechani para i klasecha. Íksï jindesti paraka “ima engaksï niuaka, jorhenguarhiaka arhintani ka karani paraksï úni estudiarini Bibliani ka jorhentpini jurhimbikueri ambe” (exe je Nuestro Ministerio del Reino oktubriri de 2011, pájina 4; benefíciese pájina 21 a 23). Sési úrani ambe engajtsïni Jeoba jorhendajka jarhuataatijtsïni sési irekani iásï ka sánderu orhepani jimbanhi parhakpinirhu (Sal. 119:105; Juanu 17:3).