JORHENGUARHIKUA 10

Mámaru jásï mójtakuni bosi

Proverbios 8:4, 7

RESUMENI: Mójtaku je bolumeni, tonu ka na engajtsï xáni uinhamu o iatsitakuarhu uandaaka parajtsï sési xarhatani puntuni ka mintsitarhu niárakuni kʼuiripuni.

NÉNA ÚNI

Mójtaku je bolumeni. Sánderu uinhacha je parajtsï xarhataani puntuechani engaksï jukaparhakueka ka mintsitarhu niárakuni kʼuiripuni. Májkueni ú je engajtsï tekstu ma arhintaaka nani enga nema jusgariuajka máteru kʼuiripuechani. Késku je bolumeni para kʼuiripu ísku pakarani erokuarhini ambe ma o para chéni pʼikuarherani o uandanhiani.

Asï someni uinhachani ja je, sinoksï kʼuiripuecha eratsia eskajtsï xukaaxaka. Jánguarhinta je no eksajerarini ambe ma paraksï kʼuiripuecha no sánderu chánksïni jimbo pendienti jarhani.
Mójtaku je tonu. Enga uáka úkuarhini chári idioma jimbo, tsʼauapicha je parajtsï tsípinhikua ambe xarhatani o parajtsï imani ambe uandani na enga xáni kʼéka ambe ma o na xáni iauani jarhaski. Tepocha je para kómu pʼikuarherakua ambe xarhatani o uandanhiata ambe.
Mójtaku je na engajtsï xáni chkapemuntaaka o iatsitakuarhu uandani. Sánderu chkapemunta je para tsípinhikua ambe xarhatani. Iatsitakuarhu uanda je engajtsï puntu ma uandaaka enga jukaparhakueka.

Asï mátirku mójtaku je na engajtsï xáni chkapemuntaaka o iatsitakuarhu uandaaka, sinojtsï chérauaka kʼuiripuechani. Asï xáni chkapemunta je uandani parajtsï úni sési pronunsiariuani uandakuechani.