Kánikua marhuasïndi ambakiti jángua ma jatsini ka janhanharhikua xarhatani

Imeri ambakiti jángua jingoni, jamberi pirenchi ma uáti úni eska uámba jiókuarhiaka jurhimbikua ambe. Peru jamberi jatsiati para uánikua ambe tekaantani ka uánikua uéxurhini (1Pe 2:21-23; 3:1, 2). Engajtsï cha no sési nitamakuarhini jaka ka no chári kulpeni, seguiri je sési kámpini nájkirukaksïni no sési kámaaka (Ro 12:21). Ambe engajtsï cha uáka sánderu marhuauati ka eska ima ambe engajtsï uandaaka.

Jánguarhi je kurhanguni na pʼikuarherasïni chári acheeti (Flp 2:3, 4). Kurhanguku je ka pʼamojku je, ka kurhamarhi je ante dejtsï úni ambe ma. Kurhajcha je engaksïni uandontskuarhecheni jauaka (Snt 1:19). Tekaantskua ka uékperakua xarhataku je. Nájkirukaksïni chári acheeti no májkueni sési kámaaka ka janhanharhikua jingoni, uákajtsï mintsikani eska Jeoba kánikua jukaparharasïnga engajtsï jánguarhintajka kurhajchani (1Pe 2:19, 20).

ENGAJTSÏ EXEAKIA BIDEUNI JEOBAJTSÏNI UINHAPIKUA ÍNTSKUSÏNDI PARACHI ORHEPANI UÉRANI, MÓKUANTA JE ARINI KURHAMARHIKUECHANI:

• ¿Néna irekaspi pirenchi Grace Li jiáni enga apenasi uámbuchapka?

• ¿Ambe úspi eska uékapiringa jorhenguarhini Bibliaeri ambe?

• ¿Ambe jarhuataspi pirenchini Li para tekaantani enga xáni úkua jukanchapka ísï tátsekua enga itsï atakuarhipka?

• ¿Pirenchi ambe kurhakuspi Jeobani eska úpiringa imeri uámba jimbo?

• ¿Náki kóntperatechani jatsiaski pirenchi Li enga ambakiti jangua ma xarhataka ka jánhanharhikua?