JORHENGUARHIKUA 4

Ambakiti ambe uandani ante de tekstuechani arhiantani

Mateu 22:41-45

RESUMENI: Ú je eskaksï kʼuiripuecha jingontku jauaka para kurhaani ante dejtsï Bibliaeri tekstu ma arhintani.

Eratsi je andijtsïsï arhintaa tekstuni. Ante dejtsï arhintani, uanda je ambe ma enga jarhuatauaka kʼuiripuechani pendienti jarhani imani bersikulueri puntu jimbo engajtsï uéjka xarhatani.

Exe je kontekstuni. Uandanta je né enga uandaka imani ambe ka né karaski ima Bibliaeri libruni.
Bibliani jupindaskuarhi je iámindu ambe jimbo. Engajtsï imani kʼuiripuni jingoni uandontskuarhiaka enga jakajkujka Tata Diosïni, xarhata je eska Biblia Tata Diosïri Karakateska ka eska jimbosï sánderu ambakiti mímixekueri ambe uandajka.
Ú je eskaksï kʼuiripuecha uékani jauakia mítini Bibliaeri tekstueri ambe. Kurhamarhikua ma ú je enga tekstu mókuntajka, problema ma uanda je enga tekstu jarhuajpijka sési péntani o xarhata je Bibliaeri prinsipiuni enga jorhentpijka ima karakata.

Exe je imani ambe engaksï kʼuiripuecha mítikia temeri ka tekstueri ambe. Sési eksplikariua je tekstuechani nájkirukaksï mítikateuakia, jarhuataa je sánderu sési kurhanguni ambe ma o jimbanhi ambe exeraani bersikuluecheri.