Interu parhakpini jimbo, seguirinhaxapti ma idiomajku uandanhani

11:1-4, 6-9

Jini Babeli, Jeoba úspti eskaksï etsakurhipiringa ima kʼuiripuecha engaksï no kurhajchapka enga ísï úpka eskaksï táchani jásï idioma uandapiringa. Peru iásï uánikua kʼuiripuechani tánaantaxati iápurisï anapuechani ka mámaru jásï idiomecheri ka jorhendaaxati ‘pímbinhasï idiomani’ paraksï ‘úni kómarhini Jeobaeri nombrini ka májku kʼériksï marhuakuni’ (Sof 3:9; Jaŋ 7:9). I “pímbinhasï idioma” jindesti jurhimbikua ambe Jeobaeri ka ambe enga ima uéjka úni ísï eska na arhijka imeri Karakata.

Parachi máteru idioma jorhenguarhini no solu uétarhisïndi memoria jimbo jorhenguarhiani máru uandakuechani. Jatsiskachi para jorhenguarhini ménderueni eratseni. Májkueni, engachi jorhenguarhijka ‘pimbinhasï idiomani enga jurhimbikueka’, juchari eratsekua mójtakurhisïndi (Ro 12:2). Ka ambe máesti enga uétarhijka méntku úni jarhani jimboka inde ambe úsïnga eska Tata Diosïri ireta seguirini jauaka májku kʼéri jarhani (1Ko 1:10).