“Asï jáma je pendienti páni”

Ióntki Tata Diosï Jeoba jarhuataasti imani israelitechani engaksï no jatsikuarheripka. ¿Néna jarhuataasïni iásï imani erachichani engaksï no jatsikuarherika?

• Jarhuataasïndi paraksï no jukari uékani jatsikuarheni (Lu 12:15; 1Ti 6:6-8).

• Jarhuataasïndi paraksï kurhanguni eskaksï kánikua jukaparhakueska (Job 34:19).

• Jorhendaasïndi paraksï ambakiti ánchikuarhiricheni ka paraksï ambakiti pʼindekuechani jatsiani (Pr 14:23; 20:1; 2Ko 7:1).

• Peeuasti ireta ma jimbo engaksï uéjka jarhuatanhani (Jn 13:35; 1Jn 3:17, 18).

• Ambakiti ambe aiakuasïndi (Sl 9:18; Is 65:21-23).

Nájkirukachi ísï exeaka eska ambe engachi nitamakuarhini jaka kánikua úkua jukaska, nóchi jatsiska para uandanhiani (Is 30:15). Engachi orheta peeraska Tata Diosï Jeobaeri Juramukuani, imajtsïni íntskuati iámindu ambe engachi xáni uétarhinchaaka (Mt 6:31-33).

ENGAJTSÏ EXEAKIA BIDEUNI UÉKPERAKUA NO MÉNI KʼAMAKURHISÏNDI... NÁJKIRUKACHI POBRIIKA (CONGO), MÓKUANTA JE ARINI KURHAMARHIKUECHANI:

• 

  Ima erachicha engaksï jimesïsï irekaka engaksï kʼérati tánguarhikuecha úkuarhijka, ¿nénaksï xarhatasïndi eskaksï sési kámpisïnga?

• 

  ¿Ambejtsïni jorhendasïni i bideu na enga Tata Diosï Jeoba xénchaajka imeechani engaksï no jatsikuarherika?

• 

  ¿Nénachi uaa májkueni intsïmpitiini ísï eska Tata Diosï Jeoba nájkirukachi no xáni jatsikuarherika?