KRISTIANUECHEERI IREKUA
Asï jiókuarhi je chkuanderakua ambe engaksï apostateecha uandajka
Satanási ka imeecha engaksï imeeri jájki jimbo jaka, sáno méntkisïksï jeuetasïndi chkuanderakua ambe, jurhimbikua ambe jingoni parachi jucha nóteru mintsikania Tata Diosïni (2Ko 11:3). Inde ambeksïsï úpti Asiria anapuecha: imeechaksï no iámindu ambe jurhimbitku uandantaspti ka chkuanderakua ambeksï uandaspti paraka Tata Diosïiri ireta nóteru mintsikapiringia Tata Diosï Jeobani (2Cr 32:10-15). Ka apostateechaksï sáno májkueni jásï ambe úsïndi. Imeechaksï puro chkuanderakua ambe uandasïndi, ísï jimbo ju je no ma ambe jakajkukuani. Ju je no méni arhintani ambe engaksï imeecha karajka ni mókukuantani ka nijtu aianguani máteruechani ambe engaksï imeecha uandajka. Jorhenguarhi je sóntku mítentani imani informasionini enga úkata jaka parajtsï chá nóteru mintsikani Tata Diosï Jeobani ka ni imeeri kúnguarhikuani, ka asï jáma je jakajkuni indeni ambe (Jud 3, 4).
ENGAJTSÏ EXEAKIA BIDEUNI “ESKAJTSÏ SÉSI UARHIPEAKA PARAJTSÏ KUÁJPINI INI JAKAJKUKUANI” (MA PARTI), MÓKUANTA JE ARINI KURHAMARHIKUECHANI:
¿Andichisï jatsi para xéparini jámani engachi internetiiri pájineechani úraani jauaka?
¿Nénachi uaa ísï úni eska na arhijka Roma 16:17?