Ju je ambakiti ambe aianhpini

1. Iónisï no nema niárasti mítini ini ambe:

jindesti Tata Diosïri Juramukueri ambe.

Xáni engajtsïni pʼamojkuka Tata Diosï Jeoba,

jimbojtsïnisï euajpintati tsípikua jingoni.

Jeoba sési xéspti para imeri Uájpa Juramutiini,

eratsispti eska Jesusi

sési juramupiringa xú.

Ka erakuasti máru paraksï Jesusi jingoni jarhani,

no ióni jimbo, imaksï juramuati Echerirhu.

2. Tata Diosï uéksïndi eskachi aianhpini niuaka,

eska iápurisï anapu kʼuiripu kurhaaka i ambe.

Ka ánjelichajtsïni orhechepaxati

parachi exentani imani enga uékaaka kurhaani.

Jeobajtsïni sésikua íntskusti imeri nombrini páni,

ju je kʼéri ambe arhini

ju je pímbinhajkuntani.

Ju je ambakiti ambe aianhpini iápurisï.

¡Ju je uandantani ambe enga uáka Tata Jeoba!