Jesúsi inchaxati Jerusaléni burruni ma jatarini

¿Xarhatasïnksï Bibliarhu anapu profesiecha eska Jesúsi jindeespka Mesíasi?

Ambe enga Biblia uandajka

Jo. Enga Jesúsi echerirhu japka, úspti ambe engaksï uandeenga uánikua profesiecha engaksï Mesíasiri ambe uandeenga, ima enga jindeepiringa “Pʼímutantspiti parhakpini anapuecheri” (1 Juanu 4:14; Daniel 9:25). Ístu, enga na uarhipkia ka tsíntani, Jesúsi seguirispti úni ambe engaksï uandeenga profesiecha Mesíasiri ambe (Salmo 110:1; Ukuecha [Hechos] 2:34-36).

**¿Ambe arhikuekasïni uandakua Mesíasi?**

Uandakua enga ebreu jimbo jindeeka Maschíaj (Mesías) ka ístu uandakua enga griegu jimbo jindeeka Kjristós (Cristo), arhikuekasïndiksï “Erakukata”. Ísï jimbo, Jesukristu arhikuekasïndi “Jesúsi enga erakukateka” o “Jesúsi enga Mesíasika”.

Ióntki, para xarhatani eska nema erakunhaspkia para ambakiti ánchikuarhita ma úni, aseitiksï atajtsïkusïreendi (Levítico 8:12; 1 Samuel 16:13). Tata Diosï erakusti Jesúsini para Mesíasini, kʼéri ánchikuarhita ma enga kánikua jukaparhakueka (Ukuecha 2:36). Peru Tata Diosï no aseite atajtsïkuspti Jesúsini para erakuni, sino espiritu santu jingoni erakusti (Mateu 3:16).

¿Úpirinksï máteru kʼuiripuecha úni ambe engaksï profesiecha uandeenga Mesíasiri ambe?

Nómbe. Engachi sési exejka ambe engaksï uandajka Bibliarhu anapu profesiechani ka na engaksï kumplirikuarhipka, úsïngachi exeni eska máechakuajku Mesíasi o Kristu japiringa. Joperu Biblia kʼóru uandasïndi i ambe: “Jimbokaksï niáraaka jarhani kʼuiripuecha engaksï uandaaka eskaksï kristueska o eskaksï Tata Diosïri uandakua páriska. Ka kʼérati milagruechanksï uáuati ka ístuksï kʼéri ambe uaati paraksï támisï jánhastaani kʼuiripuechani, asta erakukatechani jamberi” (Mateo 24:24, Traducción del Nuevo Mundo [TNM]).

¿Úpirini sánderu orhepatini jurhani Mesíasi?

Nómbe. Biblia desde iónisï uandasptia eska Mesíasi, Dabidiri familia jimbo jupiringa, ima enga Israeliri juramuti máepka (Salmo 89:3, 4). Joperu iásï nóteruksï jarhastia ima karakatecha engaksï uandeenga neespiksï Dabidiri parienticha. Uandanhasïndi eskaksï ima karakatecha k’amajkunhaspka uéxurhini 70 jimbo, jiáni engaksï Roma anapuecha Jerusaléni inchaakupka.a Ísï jimbo, jiáni uératini no nema úsïndi xarhatani eska Dabidiri parienti jémbeeska. Joperu ima karakatecha engaksï uandeenga neespiksï Dabidiri parienti jémbeecha, útasïksï jarhaspti Jesúsiri jurhiatikuechani jimbo, ísï jimbo ni imeecha engaksï ikiakuenga úsptiksï uandani eska Jesúsi no Dabidiri parienti jémbeespka (Mateu 22:41-46).

¿Namuni profesiechaksï jarhaski Bibliarhu engaksï Mesíasiri ambe uandajka?

Nóchi uaaka uandani meru namuniskiksï profesiecha engaksï Mesíasiri ambe uandajka. Ménisï úkua jukasti miiuani imani profesiechani asta imani Biblieri anapu karakatecharhu engaksï Mesíasiri ambejku uandajka. Pori ejemplu Isaías 53:2-7 uandasïndi mámaru ambe enga Mesíasi úpiringa. Máru kʼuiripuechaksï ísï exesïndi eskaksï iámindu i tekstuecha májku profesieska, peru para máteruecha, mándani ambe engaksï i tekstuecha uandajka jindeesti profesia ma.

Máru profesiecha engaksï Mesíasiri ambe uandajka ka engaksï Jesúsini jingoni kumplirikuarhipka

Ambe enga úkuarhipiringa	Profesia	Na enga úkuarhika
Abraániri familia jimbo jupirindi	Génesis 22:17, 18	Mateu 1:1
Isaakini jimbo jupirindi enga Abraániri uájpeepka	Génesis 17:19	Mateu 1:2
Judáeri tribu anapuepirindi	Génesis 49:10	Mateu 1:1, 3
Rei Dabidiri parienti jémbeepirindi	Isaías 9:7	Mateu 1:1
Iurhitskiri ma kánguarhipirindi	Isaías 7:14	Mateu 1:18, 22, 23
Beléni andajpenupirindi	Miqueas 5:2	Mateu 2:1, 5, 6
Emanuelinksï arhirapirindib	Isaías 7:14	Mateu 1:21-23
Imeeri familia no jatsikuarherispti	Isaías 53:2	Lukasʌ 2:7
Uándikutarkuarhipirindiksï uánikua sapiichani ísï tátsekua enga ima andajpenupiringa	Jeremías 31:15	Mateu 2:16-18
Ejiptu uératini ióarhinhapirindi	Oseas 11:1	Mateu 2:13-15
Mítekatepirindi komueska Nasareti anapuc	Isaías 11:1	Mateu 2:23
Uandakua pári ma, orhekupapirindi	Malaquías 3:1	Mateu 11:7-10
Uéxurhini 29 jimbo erakunhapirindi para Mesíasinid	Daniel 9:25	Mateu 3:13-17
Tata Diosï mismu uandapirindi eska ima, imeeri uájpeespka	Salmo 2:7	Ukuecha 13:33, 34
Kánikua xénchapirindi Tata Diosïri kʼumanchikuani	Salmo 69:9	Juanu 2:13-17
Ambakiti aianhperakuani aianhpipirindi	Isaías 61:1	Lukasʌ 4:16-21
Ambe enga aianhpipiringa Galilea, ísïipirindi komueska tʼíntskua ma	Isaías 9:1, 2	Mateu 4:13-16
Milagruechani uaapirindi ísï eska Moisési	Deuteronomio 18:15	Ukuecha 2:22
Tata Diosïri uandakuani uandantapirindi ísï eska Moisési	Deuteronomio 18:18, 19	Juanu 12:49
Uánikua pʼamenchatichani tsinaapirindi	Isaías 53:4	Mateu 8:16, 17
No úpirindi ambe ma solu parakaksï kʼuiripuecha exepiringa	Isaías 42:2	Mateu 12:17, 19
Pʼamojkuapirindi imeechani engaksï kómu nitamakuarhini japiringa	Isaías 42:3	Mateu 12:9-20; Markusʌ 6:34
Jorhentpipirindi na enga Tata Diosï jurhimbiti újka iámindu ambe	Isaías 42:1, 4	Mateu 12:17-20
Ambakiti arhistatspiti máepirindi	Isaías 9:6, 7	Juanu 6:68
Mítetarpirindi Tata Diosï Jeobaeri arhinhakuani	Salmo 22:22	Juanu 17:6
Ejempluecha jingoni jorhentpipirindi	Salmo 78:2	Mateu 13:34, 35
Orhejtsïkuti máepirindi	Daniel 9:25	Mateo 23:10, TNM
Uánikuaksï no jakajkupirindi imani	Isaías 53:1	Juanu 12:37, 38
Imani jimbo, uánikuaksï téksarhutapirindi	Isaías 8:14, 15	Mateu 21:42-44
Nóksï jiókuarhipirindi	Salmo 118:22, 23	Ukuecha 4:10, 11
Ísku jatinksï ikiakupirindi	Salmo 69:4	Juanu 15:24, 25
Burruni ma jatarini inchaakupirindi Jerusaléni ka kʼéri ambe arhinhapirindi	Zacarías 9:9	Mateu 21:4-9
Sapiichaksï kʼéri ambe arhipirindi	Salmo 8:2	Mateu 21:15, 16
Tata Diosï Jeobaeri nombri jimbo jupirindi	Salmo 118:26	Juanu 12:12, 13
Imeeri amigu ma traisionaripirindi	Salmo 41:9	Juanu 13:18
Traisionarinhapirindi 30 moneda plateri jimbo	Zacarías 11:12	Mateu 26:14-16
Imeeri amiguechaksï jandiajku jurajkupirindi	Zacarías 13:7	Mateu 26:31, 56
Chkuanderakua ambeksï uandapirindi imeeri ambe	Salmo 35:11	Mateu 26:59-61
No ma ambe mókukuapirindi imeechani engaksï kʼamanharhitantapiringa	Isaías 53:7	Mateu 27:12-14
Tʼuánharhikupirindiksï	Isaías 50:6	Mateu 26:67; 27:27, 30
Éjpurhuksï atapirindi	Miqueas 5:1	Markusʌ 15:19
Kʼuikirhipirindiksï	Isaías 50:6	Juanu 19:1
No kuájpikuarhipirindi engaksï atapiringa	Isaías 50:6	Juanu 18:22, 23
Juramutichaksï májku kʼéri jirinhapirindi néna uándikuni	Salmo 2:2	Lukasʌ 23:10-12
Chájkupirindiksï ka chándukuni	Salmo 22:16	Mateu 27:35; Juanu 20:25
Suerte jimboksï arhukutsperapirindi imeeri xukuparhakuani	Salmo 22:18	Juanu 19:23, 24
Ísï exenhapirindi komueska no sési úri ma	Isaías 53:12	Mateu 27:38
No sésiksï arhipirindi ka teresmarhuni	Salmo 22:7, 8	Mateu 27:39-43
Kómu nitamakuarhipirindi máteruecheri pekaduecha jimbo	Isaías 53:5, 6	1 Pedru 2:23-25
Ísï xarharapirindi enajki Tata Diosï jandiajku jurajkupi	Salmo 22:1	Markusʌ 15:34
Itsïmatapirindiksï binagri kʼameri ambe jingoni jeuetakata	Salmo 69:21	Mateu 27:34
Kʼarhichapirindi meru ante de uarhini	Salmo 22:15	Juanu 19:28, 29
Tata Diosïni jurajkukupirindi imeeri tsípikuani	Salmo 31:5	Lukasʌ 23:46
Uarhipirindi	Isaías 53:12	Markusʌ 15:37
Íntspipirindi imeeri tsípikua para kénditani pekaduni	Isaías 53:12	Mateu 20:28
Nóksï ma úni kuarhakukupirindi	Salmo 34:20	Juanu 19:31-33, 36
Pʼorhonhapirindiksï	Zacarías 12:10	Juanu 19:33-35, 37
Jatsikuarhericha jingoni jatsinhantapirindi	Isaías 53:9	Mateu 27:57-60
Tsíntapirindi	Salmo 16:10	Ukuecha 2:29-31
Máteru nema erakunhapirindi imani jimbo enga traisionaripka	Salmo 109:8	Ukuecha 1:15-20
Tata Diosïri jurhijkandani jimbo japirindi	Salmo 110:1	Ukuecha 2:34-36

a Cyclopedia McClintock y Strong uandasïndi: “Úpiringachi seguru uandani eskaksï ima karakatecha nani engaksï karakata japka tribuecha ka familiecha engaksï judiuepka, jiánksï kʼamajkunhaspti enga Jerusaléni kʼamajkunhapka ka no antesi”.

b Nombri Emanueli enga ebreu jimboeka, arhikuekasïndi “Juchantsïni jingoni jarhasti Tata Diosï”. I nombri sési uandasïndi imani ánchikuarhita enga Jesúsi úpiringa komu Mesíasi. Enga ima jupka Echerirhu ka iámindu ambe enga úpka, xarhataspti eska Tata Diosï imeechani jingoni jarhaska engaksï imani kómarhijka (Lukasʌ 2:27-32; 7:12-16).

c Uandakuecha Nasareti anapu (Nazareno), jamberi uandakua ebreu ma jimbo uérapti enga jindeeka nétser ka enga arhikuekajka “tsikixkurhita”.

d Engajtsï uéjka sánderu ambe míteni na enga Biblia uandajka eska Mesíasi xarharapiringa uéxurhini 29 jimbo, exe je ini partini: “Profeta Danieli uandasïndi káni janopirini Mesiasi”.