Míteni neeskiri, jarhuataatikeni orhepani uérakuni náki uéjki tsʼéjkukua ma.
PARA TUMBIICHA
9 Míteni neeskiri tʼu
¿AMBE ARHIKUEKASÏNI?
Ambe enga xarhatajka neeskiri tʼu, no solu jindeesti chiiti nombri, o na engari jáxeka, sino chiiti ambakiti jánguecha, ambe engari jakajkujka ka na engari jásïika.
¿ANDISÏ JUKAPARHAKUE?
Engari sési mítetini jarhajka neeskiri tʼu, imani amberi úsïnga engari exejka eska sési jarhaska ka nóri jurajkusïnga eskaksïni máteruecha arhiaka ambe engari uaaka.
“Uánikua kʼuiripuechaksï ísïisti eska plastikueri monuecha engaksï tiendeecharhu jarhajka, nóksï jamberi úsïndi uandani náki xukuparhakuaksï jukaa” (Adrian).
“Jorhenguarhiska kuájpini imani ambe enga sési jaka nájkiruka no fásiliika ísï úni. Míteska né engaksï meru juchiiti amigueka, jimbokani míteska na engaksï jásïika ka na engani jámajka engani imeecha jingoni jarhajka” (Courtney).
BIBLIERI KARAKATA: “Asteru jáma je terukukuantani parhakpini anapuechani, sino ménderueni jáma je” (Roma 12:2).
¿AMBERI UAA ÚNI?
Parari míteni neeskiri iásï ka nári jásï kʼuiripu uékasïni jindeeni, exe ambe engari újka úni, ambe nómbe ka ambe engari jakajkujka. Uaakari arini ambe kurhamarhikuarhini.
Ambe enga ma újka sési úni: “¿Ambe ka ambe jorhenaski úni? ¿Ambe sánderuni sési úsïni? ¿Jorhenaski pʼíngukuarhini? ¿Ima jandora niárasïni engani arhinhajka, ánchikuarhiriiski o intsïmpitiini?”.
KONSEJU: Engari no míteka na engari jásïika, arhia chiiti taatiichani o ambakiti amiguni ma eskaksïni jarhuataaka.
BIBLIERI KARAKATA: “Eskajtsï mándani arhini exekuarhiaka na engajtsï jámani jaka, parajtsï úni mándani arhini sési pʼikuarherani chaari ambe jimbojku ka no máterueri ambe jimbo” (Galasia 6:4).
Ambe enga ma no újka sési úni: “¿Ambe uaa úni parani sánderu ambakiti kʼuiripu máeni? ¿Na jatini sánderuni tsitisïni imani ambe úni enga no sési jaka? ¿Na jatini sánderuni uétarhinchasïni parani pʼíngukuarhini?”.
BIBLIERI KARAKATA: “Engachi uandajka eskachi nómbe pekadu jatsiska, jucha jandiajku kʼarhakurhisïnga [o enganiarikuarhini]” (1 Juanu 1:8).
Ambe enga ma jakajkujka: “¿Náki juramukuechani kurhajchaasïni, ka andi? ¿Jakajkusïni Tata Diosïni? ¿Néna míteski eska jarhaska? ¿Ambe ka ambe exesïni eska no sési jarhaska, ka andi? ¿Ambe eratsesïni eska úkuarhiaka sánderu orhepani?”.
BIBLIERI KARAKATA: “Chiiti eratsekuakini kuidarini jauati ka jánhaskakuakini niáraati kuájchakuni” (Proverbios 2:11).