Mámaru járhati amiguechani jatsia je

Andisï úkua jukajki

Engachi no kúrhiaska imani kʼuiripuechani engachi no sési exeajka, úpiringachi sánderu menusi újpini. Ka engachi imantku kúrhiaska engaksï ísïka eska jucha úpiringachi uandani eskachi juchajkusï sési eratsejka, pʼikuarherani ka jámani.

Bibliaeri karakata

Míta je “chári mintsitani” (2 KORINTU 6:13, TDU).

¿Ambe arhikuekasïni? Uandakua mintsita ístu arhikuekasïndi ambe engachi pʼikuarhenhijka. Engajtsïni imechajku sési pʼikuastajka engaksï ísïka eska jucha, ísïpirindi enajkichi míkani japirini juchari mintsitani. Parachi no ísï úkuarhinchani, jatsiskachi para jiókuarhiani máteru járhati kʼuiripuechani paraksï juchari amigueni.

Néna jarhuajpisïni mámaru járhati amiguechani jatsiani

Engachi sési mítejka nemani, niárasïngachi exeni andisï ménderueni újki ambe ma. Ka engachi kúnguarhiska imani jingoni, uénasïngachi exeni eska májkueni jásïiska eska jucha. Niárasïngachi sánderu jukaparharani, ka enga ima sési pʼikuarherani jarhajka o komu pʼikuarherani jarhajka juchajtuchi májkueni pʼikuarherasïnga.

Ju je exeni Nazaréri ejemplu, enga jatsipka para nóteru menusi uánia imechani engaksï máteru nanisï uératini jurhenga. Imajtsïni aiangusïndi: “Imecha jingoni jarhasïrenga ka imecha jingoni ánchikuarhisïrenga. Niáraspka míteani kʼuiripuechani engaksï méntku ménderueni jásïipka eskani na aiangunhapka. Engari amiguechani jatsiajka engaksï máteru nanisï anapuejka jorhenguarhisïngari nóteru arhinchaani ka niárasïngari xénchaani ka jukaparharaani”.

Ambe engajtsï uáka úni

Jánguarhinta je uandontskuarheni imecha jingoni engaksï máteru paisirhu anapueka, máteru raseka o engaksï máteru idioma uandajka. ¿Andijtsïsï no arini ambe újki?

Arhia je eskaksïni aianguaka imecheri ambe.
Pʼímarhia je tʼireni.
Kurhajchaa je engaksïni aianguaka ambe engaksï nitamakuarhika ka jánguarhi je exeni ambe enga sánderu jukaparhakueka para imecha.

Engajtsï jánguarhintaska kurhangukuani ambe engaksï nitamakuarhika, sánderujtsï kurhangukuauaka ka sánderujtsï sési ambe eratseakia ima kʼuiripuecheri ambe.

Ambe enga nitamakuarhipka kʼuiripu ma: Sookammah ka Kandasamy (Canada)

Uandantasindiksï: “Kʼuiripeskachi Sudáfrica enga apartheid japka. Kʼuiripu jatsispti para uápurisï irekani seguni na enga jásï rasepka. Inde ambe úspti eskaksï kʼuiripuecha uénapiringa menusi újperani. Nóchi urapiska ka nóchi sáni xénchaasïrenga imechani engaksï urapipka, jimbokajtsïni máru ísï kámaspka enajkichi no jukaparhapi. Jiájkanisïchi no eratsesïrenga eskachi menusi újpisïrenga. Sánderu sési, ísïchi exesïrenga enajkichi juchasï no sési kánhani japi”.

Seguirisïndiksï uandantani: “Parachi nóteru ísï eratsenia, uénaspkachi uápurisï anapu amiguechani jatsiani. Engani uénapka imani kʼuiripuechani kúrhiani engaksï urapipka, niáraspkachi exeni eskaksï nójtu xáni ménderueni jásïispka. Iáminduechachi májkueni járhati uandanhiatechani jatsiasïnga ka májku jásï ambechi nitamakuarhisïnga”.

Ka ístuksï uandasïndi: “Astachi niáraspka pʼímarhini temungurhirini ma engaksï urapika paraksï ma tiempu juchantsïni jingoni irekani. Sésichi niáraspka míteani, ka nóchi ióndaspka amigu úkuarhini. Indeni ambe jimbo, uénaspkachi sánderu sési ambe eratsenia ima kʼuiripuecheri engaksï urapika”.