BIBLIOTEKA INTERNETIRHU Watchtower
Watchtower
BIBLIOTEKA INTERNETIRHU
Purépecha
  • BIBLIA
  • PUBLIKASIONIICHA
  • TÁNGUARHIKUECHA
  • g23 núm. 1 páj. 15
  • Tata Diosï aiatspesïndi eska Echerirhu ménderu sési jándentaaka

No jarhasti bideu ixú.

Tekaachentajtsïni je, no sési uérasti ambe ma bideu jingoni.

  • Tata Diosï aiatspesïndi eska Echerirhu ménderu sési jándentaaka
  • ¡Tsínharhi! 2023
  • Sánderu ambe enga íri ambe uandajka
  • Ini númeru rebisteeri ¡Tsínharhi!
    ¡Tsínharhi! 2023
  • ¿Kʼamakuria ma jurhiani Echeri?
    Kurhamarhikuecha enga Biblia mókuantaajka
  • Ueenakua
    ¡Tsínharhi! 2023
  • Ambe enga jataka
    ¡Tsínharhi! 2023
Sánderu ambe exeni
¡Tsínharhi! 2023
g23 núm. 1 páj. 15
Lagu ma jimbo jarhastiksï uánikua anhatapuecha ka juáteecha.

Oleh_Slobodeniuk/E+ via Getty Images

Tata Diosï aiatspesïndi eska parhakpinirhu sési jándentaaka

“Echeri úsïndi jandiajku sési niántani”.

I ambesï uandapti grupu ma engaksï inbestigadoriika interu parhakpinirhu na enga mójtakurhini jaka klima. Engajtsï chá eratsejka eska jarhaska Kueraajpiri ma ka eska uandanhiasïnga juchantsïni jimbo, jamberi i ambe engaksï sientifikuecha uandapka újti eskajtsï chá eratsentaaka iámindu imani ambe enga Tata Diosï úka paraka Echeri uaaka jandiajku sési niántani.

Peru kʼuiripu xáni no sési úkuxati Echerini, enga inde ambe enga Tata Diosï jatsikuka paraka úpiringa jandiajku sési niántani nóteru xáni marhuaxatiia. ¿Andichisï uaa seguru jarhani eska Tata Diosï uaaka ambe ma paraka Echeri sési niántaaka ka paraka seguiriuaka irekanhani ixú?

I Bibliarhu anapu tekstuecha engaksï ini rekuadru jimbo jaka, xarhatasïndiksï eska Echeri no méni k’amajkunhaaka ka eska méntkisï irekanhaaka.

  • Tata Diosï kueraasti juchaari Echerini. “Ueenakuarhu, Tata Diosï kueraasti auandani ka echerini” (Génesis 1:1).

  • Tata Diosïiristi Echeri. “Tata Diosï Jeobaeriistia echeri ka ístu ambe enga xáni echerirhu jaka” (Salmo 24:1).

  • Tata Diosï ústi Echerini paraka no méni kʼamajkunhaaka. “Ima, sési uaxastasti echerini; no méni manatanhaati jima jauati para méntkisï (Salmo 104:5).

  • Tata Diosï aiatspesïndi eska Echerirhu méntkisï irekanhaaka. “Tata Diosï enga sési jimboeka, Ima enga úka echerini, […] enga no ísku kueraaka sino paraka irekanhapiringa (Isaías 45:18).

  • Tata Diosï aiatspesïndi eskaksï kʼuiripuecha méntkisï irekaaka Echerirhu “Echeri jurhimbitiicheriuati, ka jimaksï irekaati para méntkisï” (Salmo 37:29).

Indeni ambe jimbo enga Tata Diosï jatsikuka Echerini paraka jandiajku sési niántaaka, echeri úpirindi sési jarhani engaksï kʼuiripuecha no xáni kontaminarhipiringa Echerini. Eska na uandajka Bibliarhu anapu profesiecha, Jeoba uaxastastia jurhiatikua para kʼamajkuni imani ambe ka imeechani engaksï xáni no sési úkuni jaka Echerini (Apokalipsisi 11:18).

Biblia aiatspesïndi eska enga i ambe úkuarhiaka, Tata Diosï sési jájkuntaaka Echerini, eska paraisu ma úntaaka ka ístu eska mítaaka imeeri jájkini ka ‘eska íntsauaka ambe engaksï uétarhinchajka imeecha engaksï tsípiti jaka’ (Salmo 145:16).

a Tata Diosïiri nombri jindesti Jeoba (Salmo 83:18).

    Publikasionicha pʼurhe jimbo (2006-2025)
    Míkantani juchiiti kuentani
    Inchani kuentarhu
    • Purépecha
    • Axakuni nemani
    • Ambe engani sánderu tsitijka
    • Copyright © 2025 Watch Tower Bible and Tract Society of Pennsylvania
    • Néna úrani pájinani ka ambe jarhaski
    • Na enga úrakuarhijka chaari informasioni
    • Mójtaku je ambe engajtsï uéjka eska úrakuarhiaka chaari iformasioniiri
    • JW.ORG
    • Inchani kuentarhu
    Axakuni nemani