KURHAMARHIKUA 4
¿Néna uá sési péntani ambe engani no sési úka?
¿AMBERI ÚPIRINI TʼU?
Eranhaska arini ambe: Timi chʼanaxati imeri amiguecha jingoni ka no uékaparini, kʼepenharhikusïndi besinueri karruni pelota jingoni.
¿Amberi úpirini engari t’u Timipiringa?
EROKA KA ERATSINTA
TANIMU OPSIONICHANDI JATSIASKA:
Uiriani sïpakuarhini.
Máteruni kulparini.
Eianguni chíti besinuni ambe enga úkuarhika ka arhini eskari meiamuntaaka.
Jamberiri uékapiringa opsioni A erakuni. Peru sánderu sésisti jiókuarhini ambe engari no sési úka, ambe uéjki ambeni.
TANIMU RASONI PARARI JIÓKUARHINI ESKARI NO SÉSI ÚSKA
I ambesï jurhimbitiiti.
Biblia arhisïndi: “Uékasïngachi iámindu ambe jimbo sési jámani” (Ebreu 13:18).
Engari jiókuarhiska eskari no sési úska, jamberiksïni máteruecha puáchentaati.
Biblia arhisïndi: “Ima enga jískajka imeeri pekaduechani no sési nikuati, peru enga uandantaaka ka jurajkuni imani ambe, pʼamojperakua xarhataminhaati” (Proverbios 28:13).
Ka sánderu jukaparhakua ambe: sésiri pʼikuastaaka Jeobani.
Biblia arhisïndi: “Jeoba no sáni xénchaasïndi imechani engaksï tsimani kánharhikua jingoni jámajka, peru Ima sési pájperasïndi jurhimbitiicha jingoni” (Proverbios 3:32).
Karina, enga 20 jatirika, no uékaspti eianguni tátembani eska multarinhaspka jimboka uinhamu manejarixapka, peru no úspti jískakuni. Karina uandasïndi: “Ma uéxurhinisï tátsekua, juchiti táti exespti imani multani. ¡No sésirini nichespti!”.
¿Ambechi jorhenguarhisïni? Karina uandasïndi: “Uékani jískani ambe ma, úsïndi eskakini sánderu no sési nicheaka. Méntkisïri jatsiska para meiampintani imani ambe jimbo engari uáka”.
JORHENGUARHI IMANI AMBERI ENGARI NO SÉSI ÚKA
Biblia arhisïndi: “Jucha iáminduecha mámaru ambe jimbo pekadu úsïnga” (Santiagu 3:2). Eskachi na exekia, sóntku jiókuarhini eskari no sési úska, xarhatasïndi kaxumbikua ka jánhaskakua.
Ísturi uáka jorhenguarhini imani amberi engari no sési úka. Uátsï ma enga Vera arhinhajka uandasïndi: “Jánguarhintasïnga jorhenguarhini imani amberi engani no sési úka. Ka inde amberini jarhuatasïndi sánderu ambakiti kʼuiripueni. Ka engani ménderu ísï nitamanchani jauaka, ménderueni uáka ambe ma”. ¿Amberi úpirini tʼu engari arini ambe úkuarhinchapiringa?
Chíti tátikini kuánetasïndi imeri bisikletani ka tʼuri xerekusïnga. ¿Amberi úpirini?
No aiangupiringa; jamberi no mítipirindi.
Aiangupiringa ambe enga úkuarhika.
Aiangupiringa, peru máteruni kulparipiringa.
Úntasïngari exameni ma ka nori pasarisïnga jimbokari no estudiariska. ¿Amberi úpirini?
Uandapiringa eska exameni úkua jukaspka.
Jiókuarhipiringa eska juchiti kulpeska jimbokani no estudiarispka.
Uandapiringa eskarini maestru ikiachisïnga.
Méntku miántani jarhani ambe engari no sési úka ióntki, ísïsti komueska espejuni exeni jarhani para tátsepani ísï eraani engarini manejarini jarhajka.
Repasariua ini tsimani ejempluechani ka eranhaska eskari tʼu jindeska 1) chíti táti ka 2) chíti maestru. ¿Ambeksï eratsipirini engari sóntku jiókuarhiska ambe engari no sési úka? ¿Ambeksï eratsipirini engari jískakuapiringa?
Iásï, eratsi ambe ma engari no sési úka i uéxurhini ka mókuanta arini kurhamarhikuechani:
¿Amberi no sési úspi? ¿Nénari jámaspi?
Jánguarhintaspka jískani.
Máteruni kulparispka.
Seguirispka uandantani.
Engari no jiókuarhipka eskari no sési úspka, ¿nénari pʼikuarheraspi tátsekua?
¡Kánikua sési! Úspka ambe engani uékaenga.
No sési. Jatsipiringa parani jurhimbitku uandantani.
¿Ambe sánderu sési japirini eskari úpiringa?
¿Amberi jorhenguarhiski indeni amberi?
¿NARI EXESÏNI?
¿Andisï ménisï úkua jukajki jiókuarhini ambe engari no sési úka?
¿Ambe eratsia kʼuiripu chíti ambe engari méntkisï uékaska jískani ambe engari no sési úka? Peru, ¿ambeksï eratsia engari jiókuarhiska eskari no sési úska? (Lukasʌ 16:10).