Mókuntskuecha kurhamarhikuecheri

◼ ¿Sési jaki úrani Interneti para eianhpini o estudiarini nema jingoni engachi no mítika enga máteru paisirhu irekaka?

Máru erachichaksï úrasïndi Internetini para jirinhaani estudiuechani imani lugaricharhu enga no jiáratpenhajka para eianhpini o enga namunitku Testiguechaksï jaka. Ka ménisï sési nikuasti. Peru uáti peligrosueni axatsperani korreuechani o Interneti jimbo uandontskuarhini kʼuiripu jingoni engachi no mítika (exe je Nuestro Ministerio del Reino juliueri 2007, pájina 3). Nájtuka ambe engachi uéjka jindeka eianguni Reinueri ambe ambakiti kʼuiripuni, inde jásï uandontskuarhita uáti úni eskachi uandontskuarhiaka no ambarhati kʼuiripu jingoni, asta imecha jingoni engaksï ióntki Jeobaeri testiguepka ka engaksï nóteru uéjkia mítini Jeobaeri ambe (1 Kor. 1:19-25; Kol. 2:8). Ka ístu, lugaricharhu enga no jiáratpenhajka para eianhpini, gobiernu uáti exeni nénksï karakuxaki Interneti o karta jimbo ka úni eska no sési nikuauaka jima anapu erachichani. Ísï jimbo, nochi jatsiska para jirinhani Interneti jimbo kʼuiripuni máteru paisirhu anapuni para eianguni ambakiti eianhperakuani.

Enga no máteru ambe uandaaka sukursali, engachi eianhpiska nani engachi jámani jauaka ka exentanchi nemani enga máteru paisirhu anapueka enga pʼorhempini jaka, nochi jatsiska para seguirini jorhendani sánderu Bibliaeri ambe enga na kʼuanhatsintaakia imeri kʼumanchikuarhu, uákachi exerani néna úrani jw.org paraka uáka sánderu informasioni jatsini o para exentani jima anapu sukursalini. Engaksï jaka Kʼumanchikuecha Reinueri jima enga ima irekaka, uákachi pʼímarhini para pʼorhembiani. Enga uékaka sánderu mítini, kurhakuakachi imeri datuechani ka íntskuntakachi sekretariuni enga Beteli axaaka úraparini jw.org. Sukursali enga exejka ánchikuarhitani paisirhu enga ima kʼuiripu irekaka, sési mítisti ambe enga úkuarhini jaka jima ka sánderu sési uáti jarhuatani mítini Jeobaeri ambe (exe je Nuestro Ministerio del Reino juniueri 2014, pájina 7, ka Nuestro Ministerio del Reino nobiembriri 2011, pájina 2).

Enga kʼuiripu ma engachi pʼorhembini jaka máteru paisi jimbo mótsika o engachi estudiarini jaka kʼuiripu ma jingoni máteru paisi anapu engachi Internetirhu mítika, jatsiskachi para úni ambe enga arhijka párrafu dos. Peruchi uáka seguirini jorhendani astaka jimesï anapu erachi ma exentaaka. Peru enga kʼuiripu jima irekaka enga no jiáratpenhajka para eianhpinhani, jatsiakachi para jingontku jámani engachi uandontskuarhiaka Bibliaeri ambe karta jimbo, telefonu o korreu jimbo (Mat. 10:16).