Kurhaku je Tata Diosïni eskaksïni újchakuraaka

Tata Diosïjtsïni ambakiti intsïmperakua ma íntskusti: úsïngachi imani jingoni uandontskuarheni ka aianguni ambe engachi pʼikuarherajka. Profeta Dabidi arhispti Tata Diosïni: “Tʼunguini, engari kurhauajka kómarhikuechani, tʼunguini juuati andarherani iámindu jásï kʼuiripuecha” (Salmo 65:2). Peru, ¿nénachi jatsiski para kómarhini parajtsïni Tata Diosï kurhajchani ka újchakurani?

MINTSITA KA KAXUMBIKUA JINGONI KÓMARHI JE

Salmo 62:8 uandasïndi: “Aiangukuarhi je iámindu ambe enga chári mintsita pʼikuarhinhijka”. Engachi kómarhijka Tata Diosïni, úsïngachi iámu ambe aiangukuarhini. Ima enga iámu ambe újka úni, kánikua jukaparharasïndi engachi mintsita jingoni kómarhijka.

KÓMARHI JE TATA DIOSÏNI IMERI NOMBRINI ÚRAPARINI

Tata Diosï mámaru jásï tituluechani jatsiasti, komu Kuerajpiri, juchari Táti ka ima enga Pʼamojpitika, peru máechakuajku nombri jatsisti: “Ji jindeska Jeoba. Inde jindesti juchiti nombri” (Isaías 42:8). Tata Diosïri nombri enga jindeka Jeoba, ma siete mili xanhari jukanharhisti Tata Diosïri Karakatarhu. Uánikua profetechaksï kómarhisïrendi Tata Diosïni imeri nombrini úraparini. Profeta Abraani uandaspti: “Jeoba, [...] jimboetakua, jurajkurini seguirini [uandontskuarheni tʼunguini jingoni]” (Génesis 18:30). Engachi kómarhiaka, juchajtuchi jatsiska para Tata Diosïri nombrini úrani, Jeoba.

KÓMARHI JE CHÁRI IDIOMA JIMBO

Tata Diosï kurhangusïndi ambe engachi eratsejka ka na engachi pʼikuarherajka náki uéjki idiomachi uandani. Imeri Karakatarhu uandasïndi: ‘Diosï no nani kʼuetsapisïndi, sino eska jaiapanhintasïnga nákinterku ma nasioni anapu kʼuiripuni enga janhanharhijka imani, ka sési úni’ (Ukuecha 10:34, 35).

Peru, parajtsïni Tata Diosï újchakurani, nóchi solu jatsiska para kómarhini. Máteru jorhenguarhikuecha jimbo, exeakachi ambeteruchi jatsiski para úni.