KRISTIANUECHEERI IREKUA
Tata Diosï Jeoba “taati máesti para uérfanuecha”
Mándani uéxurhini uánikua tumbiicha ka uátsïicha, ísï eska tʼu, Tata Diosï Jeobaeri amiguksï úkuarhisïndi (Sl 110:3). Tata Diosï Jeobakini kánikua xénchasïndi ka uandanhiasïndi iámindu ambe jimbo engari nitamakuarhijka. Ísï jimbo, aiachisïndikeni eskakeni jarhuataaka parari úni marhuakuni. Engari mamantku o papantku kámajka, asï mirikurhi eska Tata Diosï Jeoba “taati máes[ka] para uérfanuecha” (Sl 68:5). Ambe uéjki jimbo engari nitamakuarhini jaka, Tata Diosïiri jarhuajperata jingoni uaakari seguiriini imeeri amigueni (1Pe 5:10).
ENGAJTSÏ EXEAKIA BIDEUNI JÁNGUARHINTASTIKSÏ PARAKSÏ ÚNI MINTSINHARHINI TATA DIOSÏNI: ENGA TAATI JÉMBA O AMAMBA NO JAKAJKUTIJKA, MÓKUANTA JE ARINI KURHAMARHIKUECHANI:
¿Amberi uaa jorhenguarhini Tammy, Charles ka Jimmyri ambe?
Eska na arhijka Salmo 27:10, ¿ambekini aiachisïni Tata Diosï Jeoba engari mamantku o papantku kámajka?