¿Mítespijtsï?

¿Primeru siglurhu saserdotiichaksï néna pásïreeni animalicheeri iurhirini?

MÁNDANI uéxurhini saserdotiichaksï uánikua animaliichani kéjtsïtasïreendi altarirhu enga templurhu japka Israeli. Josefo —judiu ma enga primeru siglurhu irekapka—, uandantasïndi eska ima jurhiatikua enga Paskua úkuarhienga jukari 250,000 karichiichaksï kéjtsïtanhasïreendi, jimbosï kánikua iurhiri tsïnchendi (Lev. 1:10, 11; Núm. 28:16, 19). Jiájkani, ¿néna nirasïreeni xáni káni iurhirini?

Máru k’uiripuechaksï niárasti exentani máru ambe enga xarhatajka eska Erodesiiri templu enga uéxurhini 70 jimbo kʼamajkunhapka, jukaspka nani enga ísï iorhepiringa itsï. Na enga úkata japka inde templu ka altari úsïreendi eska iurhiri iauanisï iorhepiringa.

Ju je exeni nani enga ísï iorheenga:

• Altarirhu pʼorhoteechaksï jarhaspti. Librurhu enga Misnáa arhinhajka sáno májkueni ambe uandasïndi, arhisïndi eska altarirhu eskina ma jimbo, tsimani pʼorhotechani jukaaspka ka eska jimeesïsï nirasïreenga animalicheeri iurhiri ka ima itsï enga úranheenga para jupantskantani. Inde iurhiri ka itsï jimeesïsï iurhesïreendi enga jirukukata jarheenga asta Sedróni niárani enga itsï iorheenga (traducción de Carlos del Valle).

  Misná uandasïndi eskaksï altarirhu jarhaspka pʼorhoteecha ka i ambe terukuntasïndi ambe engaksï iásï anapu kʼuiripuecha exentajka. Libru enga arhinhajka The Cambridge History of Judaism uandasïndi eska templurhu no iauani uápurisï jirukukata jarhaspka para itsï iurheni. Uandasïndi: “Jamberi jimeesïsï iurhendi iurhiri animalicheeri engaksï templurhu kéjtsïtanheenga ka itsï jingoni jeuetanhani para iauanisï iurheni”.

• Kánikua itsï jarhaspti. Saserdotiichaksï kánikua itsï uétarhinchasïreendi paraksï altarirhu jupantskantani ka ístu para jima enga iurhiri iurheenga. Ísï jimbo, jirukukata jarhaspti paraka iretarhu anapu itsï úpiringa templurhu niárani ka aljibecharhuksï patsani. Joseph Patrich uandantasïndi: “No ma ióntki anapu templu xáni sési úkata jarhaspti, i templu jukaspti nani enga ísï úpiringa niárani itsï ambanharhi para limpiu jarhani ka ístu nani enga ísï úpiringa iorheni itsï iurhiri jingoni”.