¿Andiksïsï Jeobaeri testiguecha no nirajki guerrarhu?
Jeobaeri testiguechachi no nirasïnga guerrarhu ini ambe jimbo:
Tata Diosïri juramukua máesti. Biblia uandaspti eskaksï Tata Diosïri marhuaricha jatsipiringa para “imecheri uarhiperatarakuechani tarherakua uántaani” ka nóteruksï méni uarhipenia (Isaías 2:4).
Jesusiri juramukua máesti. Jesusi arhispti apostuli Pedruni: “Jatsiranta chíti espadani, jimboka iáminduecha engaksï espada jimbo atajpiaka, espada jimbo uarhiakaksï” (Mateu 26:52). Ini uandakuecha jingoni Jesusi xarhataspti eskaksï imeri chúxapaticha no jatsiska para jupikani armechani.
Kristu ístu uandaspti eskaksï imeri chúxapaticha ‘no parhakpinirhu anapueska’. Ísï jimbo, nóksï jatsisti para inchamukuni politikarhisï (Juanu 17:16). Ístu, no sési jarhasti eskaksï no sési ambe uandaaka imani amberi enga ejersitu militari uáka o eskaksï uáka eska kʼuiripu ma no marhuauaka ejersitu militarirhu.
Kristianuechaksï jatsisti para uékani máteruechani. Jesusi arhiaspti imeri chúxapatichani: “Ma mandamientu jimbanhi íntskuakaksïni, eskajtsï uékperaaka máteru ka máteruni jingoni” (Juanu 13:34, 35). Jurhimbiti kristianuechaksï májku kʼéri úkuarhintatixati interu parhakpini ka nóksï méni pʼíkuapirindi armechani para no sési úkuani imecheri erachichani o pirenchichani (1 Juanu 3:10-12).
Primeru kristianuechaksï no nirasïrendi guerrarhu. Libru ma para inbestigarinhani uandasïndi eskaksï “primeru Jesusiri chúxapaticha no apoiariuasïrenga guerrechani ka niksï uéni serbisiu militari”, jimbokaksï mítispka eskaksï inde úkuecha “no terokuntasïrenga uékperakua jingoni enga Jesusi jorhentpipka ka juramukua jingoni eskaksï uékaapiringa imeri enemiguechani” (Encyclopedia of Religion and War). Ka istoriadori britaniku Edwar Gibbon uandaspti imeri librurhu Historia de la decadencia y caída del Imperio romano: “No méni úkuarhesïrendi eskaksï kristianuecha sondaduepiringa [...] no jurajkuparini juramukua sánderu pímbinhasïni ma”.
Jarhuajpisïngachi paraksï iáminduecha sési jarhani
Jeobaeri testiguechachi jindeska kʼuiripu enga ánchikuarhijka, enga no ma ambe jimbo újka eska paisi no sési irekaaka. Ka respetarisïngachi juramukuani imecheri engaksï gobernarijka, jimbokachi ísï úsïnga ambe engaksï uandajka ari Bibliaeri juramukuecha.
“Janhanharhia je imechani engaksï juramukua jatsika.” (Roma 13:1.)
“Íntskunta je Sésarini ambe enga Sésaririka ka Diosïni enga Diosïrika.” (Mateu 22:21.)
Jimbochisï kumpliriuajka leichani, meiampisïngachi impuestuechani ka úsïngachi ambe enga gobiernu kurhajkuarhijka paraka kʼuiripu sési jauaka.