39 Садыйк рухани, чатырдан+ май+ салынган мөгезне алып, Сөләйманны майлады.+ Аннары алар мөгез кычкыртты, һәм бөтен халык: «Сөләйман патша яшәсен!» — дип кычкыра башлады. 40 Шуннан соң бөтен халык флейта уйнап, шатлана-шатлана Сөләйманга ияреп китте, аларның тавышыннан җир ярылыр дәрәҗәгә җитте.+

12 Аннары Йодай, патшаның улын+ алып чыгып, аның башына таҗ кидерде, ә өстенә шаһитлекне*+ куйды. Аны патша иттеләр һәм майладылар. Аннары кешеләр кул чабып: «Яшәсен патша!» — дия башладылар.+

14 Караса, багана янында йола буенча патша басып тора,+ янәшәсендә — башлыклар һәм быргычылар;+ бу җирдәге бөтен халык шатлана, куана һәм быргы кычкырта. Шулчак Аталия киемен ертып: «Хыянәт! Хыянәт!» — дип кычкырып җибәрде.

39 Алар Давыт янында өч көнгә калды, ашады-эчте, чөнки кан кардәшләре алар өчен барысын әзерләп куйган иде. 40 Шулай ук алар янында яшәүчеләр һәм хәтта Иссахар, Зәбулун һәм Нәфтәли җирләрендә яшәүчеләр дә ишәкләр, дөяләр, качырлар һәм үгезләргә төяп, бик күп азык-төлек: камыр ашлары, тыгызлап ясалган инҗир һәм йөзем көлчәләре, шәраб, май, эре мал һәм сарыклар китерде, чөнки Исраилдә зур шатлык хөкем сөрде.