4 Филистилеләр, бергә җыелып, юлга чыктылар һәм Шунамда+ лагерь корып урнаштылар. Шунда Шаул, бөтен Исраилне җыеп, Гилбуада+ лагерь корып урнашты.

10 Бервакыт филистилеләр Исраилгә каршы сугыш ачты. Исраиллеләр филистилеләрдән качты, ә күпләре Гилбуа́ тавында ятып калды.+ 2 Филистилеләр Шау́л белән аның улларын эзгә-эз эзәрлекләп барды. Ахыр чиктә, алар Шаулның уллары Йонафа́н, Абинада́б һәм Малкишуаны+ үтерделәр. 3 Шаулга каршы сугыш көчәйде. Укчыларның угы тиеп, аны җәрәхәтләгәч,+ 4 Шаул корал йөртүчесенә: «Кылычыңны ал да мине үтер, югыйсә теге сөннәтләнмәгәннәр килеп, минем белән ерткычларча мөгамәлә итәрләр»*+,— диде. Ләкин корал йөртүчесе, нык курыкканга, аны үтерергә теләмәде. Шулчак Шаул, кылычын алып, кылычына егылды.+ 5 Шаулның вафат булуын күргәч, корал йөртүчесе дә үз кылычына егылып үлде.