12 мин синең үтенечеңне үтәрмен.+ Мин сиңа зирәк һәм төшенүчән йөрәк бирермен.+ Сиңа кадәр синдәй кеше булмаган кебек, синнән соң да синдәй кеше булмаячак.+ 13 Өстәвенә, мин сиңа сорамаганыңны да+ — байлык белән дан+ да бирермен, һәм үз гомереңдә сиңа тиң бер патша да булмас.+

29 Һәм Аллаһы Сөләйманга иксез-чиксез дәрәҗәдә зирәклек белән төшенүчәнлек һәм диңгез буендагы ком бөртекләредәй күп акыл-зиһен тулы йөрәк бирде.+

22 Шулай итеп, Сөләйман патша җир йөзендәге бөтен патшалардан күпкә баерак, күпкә зирәгрәк иде.+ 23 Җирдәге бар патшалар Сөләйман белән очрашырга һәм күңеленә Аллаһы салган зирәклекне ишетергә омтыла иде.+ 24 Янына килгән кешеләрнең һәммәсе аңа ел саен бүләкләр: алтын-көмеш, кием-салым,+ корал, бәлзәм, ат һәм качырлар китерә иде.