5 Төнлә Гибонда Йәһвә, Сөләйманга төшендә күренеп, аңа: «Сора, сиңа нәрсә бирим?» — диде.+ 6 Моңа Сөләйман болай диде: «Син үз хезмәтчең әтием Давытка бөек тугры мәхәббәт күрсәттең, чөнки ул синең юлыңнан тугрылык һәм тәкъвалык белән, саф күңел белән йөрде. Аның тәхетенә улын утыртып, син әле дә аңа* шул бөек тугры мәхәббәтеңне күрсәтеп торасың.+ 7 Йәһвә Аллаһым, мин бик яшь* һәм тәҗрибәсез булсам да, син үз хезмәтчеңне атам Давыт урынына патша итеп куйдың.+ 8 Хезмәтчең син сайлаган халык+ — күпсанлы халык белән идарә итә, аны хәтта исәпләп тә, хисаплап та булмый. 9 Шунлыктан халкыңны хөкем итәр өчен+ һәм яхшыны яманнан аера белер өчен,+ хезмәтчеңә тыңлаучан йөрәк бир, чөнки шундый күпсанлы* халкыңны кем хөкем итә алсын?»