5 Шул сәбәптән Аллаһысы Йәһвә аны Су́рия патшасы кулына тапшырды.+ Су́риялеләр аны тар-мар итеп, гаять күп кешеләрне Дәмәшекъкә+ әсирлеккә алып китте. Аллаһы аны шулай ук Исраил патшасы кулына тапшырды, һәм тегесе аңа зур югалтулар китерде. 6 Яһүд халкы үзләренең ата-бабалары Аллаһысы Йәһвәне калдырганы өчен, Рәмали́ улы Фәкы́й+ бер көн эчендә аларның 120 000 кешесен — бөтен батыр егетләрен кырып салды.+ 7 Зикри́ исемле ифраимлы сугышчы патша улы Маасияне, патша сарае башлыгы Әзрикәмне һәм патшадан соң икенче кеше Илкананы үтерде. 8 Өстәвенә, исраиллеләр яһүдләрнең хатыннарын, улларын һәм кызларын — барлыгы 200 000 кан кардәшен әсирлеккә алды. Алар шулай ук ифрат күп табышны кулга төшереп, аны Сама́риягә+ алып китте.