• Зәбур 53:башлангыч сүзе–6
    Изге Язмалар (Тәүрат, Зәбур, Инҗил)

    • Дирижер өчен: махала́т* стилендә. Маски́л.* Давытның мәдхиясе.

      53 Акылсыз* үз күңеленнән:

      «Йәһвә юк»,— ди.+

      Андый кешеләрнең гаделсез гамәлләре бозык һәм җирәнгеч.

      Берсе дә игелек кылмый.+

       2 Аллаһы исә, берәрсенең зирәклеге бармы икән, берәрсе Йәһвәне эзлиме икән дип,+

      Күктән адәм балаларына күз сала.+

       3 Аларның һәммәсе юлдан тайпылган,

      Бөтенесе дә бердәй бозык.

      Берәү дә игелек кылмый,

      Берәү дә.+

       4 Ник явызлык кылучыларның берсе дә аңламый, ә?

      Алар халкымны икмәк ашагандай йота.

      Алар Йәһвәне чакырмый.+

       5 Әмма аларны көчле курку,

      Моңарчы беркайчан кичермәгән көчле курку* басар,

      Чөнки Аллаһы сиңа һөҗүм итүчеләрнең сөякләрен чәчеп бетерер.

      Син аларны оятка калдырырсың, чөнки Йәһвә аларны кире какты.

       6 Их, Сионнан Исраилгә котылу килсен иде!+

      Йәһвә әсирлектәге халкын кире кайтарганда,

      Ягъкуб шатлансын, Исраи́л сөенсен.