9 Муса, Һарун, Надаб, Абиһу һәм Исраилнең 70 өлкәне тауга менде, 10 һәм алар Исраи́л Аллаһысын күрде.+ Аның аяк астына сапфир ташына охшаш һәм күкләрдәй саф бер нәрсә түшәлгән иде.+

6 Узия́ патша үлгән елны+ мин биек һәм мәһабәт тәхеттә утыручы Йәһвәне күрдем.+ Аның япанчасының итәкләре гыйбадәтханәне тутырган иде. 2 Әйләнәсендә серафимнар тора иде. Һәрберсенең алты канаты бар иде. Алар ике канаты белән битләрен, ике канаты белән аякларын каплаган иде һәм ике канаты белән оча иде.

3 Алар каты тавыш белән бер-берсенә:

«Гаскәрләр Иясе Йәһвә изге, изге, изге!+

Бөтен җир аның даны белән тулы»,— дия иде.

27 Аның билен хәтерләткән урыннан алтын белән көмеш эретмәсенә охшаш нәрсәдер+ өскә таба нурланып тора иде. Ул ут кебек балкып тора иде. Ә билен хәтерләткән урыннан астарак утка охшаш бернәрсә күрдем.+ Аны бар яктан балкыш чолгап алган иде. 28 Шул балкыш яңгырлы көнне болытларда хасил булган салават күперенә охшаш иде.+ Аны чолгап алган нурлы яктылык менә шундый иде. Ул Йәһвә данының чагылышына охшаш иде.+ Моны күргәч, мин йөзтүбән капландым һәм берәүнең сөйләгән тавышын ишеттем.

2 Шул мизгелдә мине Аллаһы рухы биләп алды. Карасам, күктә тәхет тора, ә тәхеттә кемдер утыра.+ 3 Утыручы кыяфәте белән яшма+ һәм сердолик* сыман, ә тәхетне зөбәрҗәткә охшаш салават күпере әйләндереп алган.+