20 Муса белән Һарун шунда ук Йәһвә кушканча эшләде. Һарун таякны алды да фиргавен һәм аның хезмәтчеләре алдында Нил елгасындагы суга сукты, һәм елгадагы бөтен су канга әверелде.+

6 Шунда Һарун кулын Мисыр суларына сузды, һәм бакалар чыгып, җирне баса башлады.

17 Алар шулай эшләде дә. Һарун таяк тоткан кулын сузып, җиргә сукты, һәм черкиләр кешеләрне һәм хайваннарны талый башлады. Мисыр җирендәге бөтен тузан черкигә әверелде.+

6 Нәкъ иртәгесе көнне Йәһвә шулай эшләде дә, һәм Мисырның бөтен мал-туары үлә башлады,+ ә Исраилнең бер малы да үлмәде.

10 Шунда алар мичтән көл алып, фиргавен каршына килеп бастылар. Муса көлне һавага очырды, һәм кешеләрнең, хайваннарның тәненә чуан чыкты.

23 Муса таягын күккә таба сузды, һәм Йәһвә күк күкрәтеп боз җибәрде, җиргә ут* төште. Йәһвә Мисыр җиренә боз яудырды.

12 Йәһвә Мусага болай диде: «Кулыңны Мисыр җиренә суз, Мисыр җиренә саранча ябырылсын. Алар бу җирдә үскән бөтен үсемлекләрне, боз явудан торып калган бар нәрсәне ашап бетерсен».

21 Шунда Йәһвә Мусага: «Кулыңны күккә таба суз, Мисыр җиренә караңгылык, дөм караңгылык төшсен»,— дип әйтте.