• Ишагыя 1:23
    Изге Язмалар (Тәүрат, Зәбур, Инҗил)

    • 23 Синең мирзаларың үҗәт, алар караклар белән эш итә.+

      Аларның һәрберсе ришвәт ярата һәм бүләкләр эзләп йөри.+

      Алар атасыз балаларга* гаделлек күрсәтми,

      Тол хатыннарның хөкем эшләрен беркайчан да карап чыкмый.+

  • Ирмия 5:26–28
    Изге Язмалар (Тәүрат, Зәбур, Инҗил)

    • 26 Халкым арасында явыз кешеләр бар.

      Алар посып яткан кош аулаучы кешедәй күзәтеп тора.

      Алар үлем тозагы корып

      Кешеләрне аулый.

      27 Читлек кошлар белән тулы булган кебек,

      Аларның йортлары ялган белән тулы.+

      Шул сәбәпле алар көчле һәм бай булып киткән.

      28 Алар симергән, тәннәре ялтырап тора.

      Явызлыклары ташып тора.

      Алар үз файдаларын эзләп,

      Ятимнең хөкем эше каралганда, аны якламый.+

      Ярлы кешене гаделлектән мәхрүм итә“».+

  • Микай 2:1, 2
    Изге Язмалар (Тәүрат, Зәбур, Инҗил)

    • 2 «Явызлыкка иҗатчан кешеләргә,

      Ятакларында яманлык ниятләп ятучыларга кайгы!

      Таң ату белән алар үз ниятләрен тормышка ашыра,

      Чөнки бу кулларыннан килә.+

      2 Алар кыр теләсә, аны тартып ала.+

      Йорт теләсә, аны үзенеке итә.

      Алдап кеше йортын,+

      Кеше мирасын үзенә ала.