Шәраб саклау өчен кулланылган күн савыт

Күн савытлар еш кына тулысынча бер хайван тиресеннән, мәсәлән, кәҗә, сарык я эре терлек тиресеннән ясалган булган. Үле хайванның башын һәм аякларын чабып алганнар һәм аннан соң сак кына, башка тишекләр ясамыйча, аның тиресен тунаганнар. Тиресен дуплаганнан соң, бер тишекне калдырып, башкаларын тегеп куйганнар. Бу тишек күн савытның авызы булып киткән, аны бөке белән япканнар я бау белән бәйләп куйганнар. Күн савытлар шәраб саклау өчен генә түгел, ә шулай ук сөт, ак май, сыр, сыек май я су саклау өчен кулланылган булган.