СТРЕССНЫ ҖИҢЕП БУЛА
Стрессыз тормыш хыял түгел
Изге Язмалардагы акыллы киңәшләр күп кенә кирәкмәгән стресстан качарга булыша. Без стресс тудыра торган бар нәрсәне бетерә алмыйбыз. Аллаһының исә моңа көче җитәрлек. Ул хәтта безгә ярдәм итәчәк берәүне билгеләгән. Аның исеме Гайсә Мәсих. Җирдә яшәгәндә, ул күп могҗизалар кылган. Бик тиздән Гайсә моны зуррак масштабта бөтен җирдә башкарачак.
ГАЙСӘ АВЫРУЛАРНЫ САВЫКТЫРАЧАК.
«Аның янына төрле чирләрдән һәм авыртудан интеккән бар авыруларны... алып килделәр. Гайсә аларны савыктырды» (МАТТАЙ 4:24).
ГАЙСӘ БАР КЕШЕЛӘРГӘ ЯШӘҮ УРЫНЫ ҺӘМ РИЗЫК БИРӘЧӘК.
«Алар [Мәсихкә буйсынган кешеләр] йортлар төзер һәм анда яшәр, йөзем бакчалары утыртыр һәм җимешләрен ашар. Алар өйләрен башка берәү яшәсен өчен төземәс, йөзем агачларын җимешләрен башкалар ашасын өчен утыртмас» (ИШАГЫЯ 65:21, 22).
ГАЙСӘНЕҢ ИДАРӘСЕ БӨТЕН ДӨНЬЯДА ТЫНЫЧЛЫК ҺӘМ ИМИНЛЕК УРНАШТЫРАЧАК.
«Аның көннәрендә тәкъвалар гөрләп чәчәк атар, һәм ай юк булганчыга кадәр бөтен җир йөзендә тынычлык хөкем сөрер. Аның идарәсе диңгездән диңгезгә, бөек елгадан алып җир читләренә кадәр җәеләчәк. ...Аның дошманнары тузан ялар» (ЗӘБУР 72:7—9).
ГАЙСӘ ГАДЕЛСЕЗЛЕКНЕ БЕТЕРӘЧӘК.
«Мескен һәм ярлы кешене ул кызганыр, ярлыларның җаннарын коткарыр. Ул аларны изүдән һәм җәбер-золымнан йолып калыр» (ЗӘБУР 72:13, 14).
ГАЙСӘ ХӘТТА БАР ГАЗАПЛАРНЫ ҺӘМ ҮЛЕМНЕ ЮК ИТӘЧӘК.
«Ул аларның һәр күз яшен сөртәчәк, һәм үлем, кайгы, ачы тавыш, авырту инде булмаячак» (АЧЫЛЫШ 21:4).