«Аллаһы мәхәббәте» китабы буенча Изге Язмалар өйрәнүләрен үткәрү
1. «Аллаһы мәхәббәте» китабы нинди максат белән бастырылган?
1 «Безне Аллаһы рухы йөртә» дигән өлкә конгрессында «Аллаһы мәхәббәтендә калыгыз» дип аталган яңа китапның татар телендә бастырылачагы турында ишетергә без бик шат булдык! Белдерүдә әйтелгәнчә, бу китап Изге Язмалардагы төп тәгълиматларны өйрәтү өчен түгел, ә тәртипкә кагылышлы Йәһвә нормалары белән яхшырак танышырга һәм аларны яратырга ярдәм итәр өчен бастырылган. Без бу китапны өйдән-өйгә вәгазьләгәндә тәкъдим итмәячәкбез.
2. Бу басма ничек кулланылачак һәм кем белән аны өйрәнергә?
2 «Аллаһы мәхәббәте» дигән китап Изге Язмаларны өйрәнүчеләр белән «Хак тәгълиматлар» китабын тәмамлагач, өйрәнүне дәвам итәр өчен икенче басма булачак. Шуны истә тот: кайбер кешеләр рухи яктан тизрәк үсә, ә кайберләре — әкренрәк. Шуңа күрә һәр өйрәнү өйрәнүченең сәләтләренә карап үткәрелергә тиеш. Үткән материал өйрәнүчегә яхшы аңлаешлы булсын. Күпчелек очракларда бу китап үткәндә берничә китап буенча Изге Язмаларны өйрәнгән, ләкин җыелыш очрашуларына йөрмәгән һәм үз тормышларын Изге Язмаларның хакыйкатьләренә туры китерергә теләмәгән кешеләр белән өйрәнүләр башлар өчен кулланылмый.
3. Хәзерге вакытта «Аллага гыйбадәт кылыгыз» дигән китап буенча өйрәнү үткәрсәк, нәрсә эшләп була?
3 Син хәзерге вакытта «Аллага гыйбадәт кылыгыз» дигән китап буенча өйрәнү үткәрәсең икән һәм сез хәзер соңгы бүлекләрне үтәсез икән, син бу басманы тәмамларга карар итә аласың һәм өйрәнүчене «Аллаһы мәхәббәте» китабын үзенә укып чыгарга дәртләндерә аласың. Әмма икенче яктан яңа китапка күчәргә һәм аны беренче бүлегеннән башларга яхшырак булыр иде. «Хак тәгълиматлар» китабындагы кебек, бу китапның Кушымтасын карап чыгу мәҗбүри түгел.
4. Өйрәнүчебез «Хак тәгълиматлар» һәм «Аллаһы мәхәббәте» китапларын тәмамлаганчы суга чумдырылса, нәрсә эшләргә кирәк?
4 Өйрәнүче бу ике китапны тәмамлаганчы суга чумдырыла икән, өйрәнүне «Аллаһы мәхәббәте» дигән китапның ахырына кадәр дәвам итәргә кирәк. Өйрәнүче суга чумдырылган булса да, син вакытны, кабат килүне һәм өйрәнүне хезмәт отчетыңа яза аласың. Синең белән бергә булган һәм өйрәнүдә катнашкан вәгазьче шулай ук вакытны үз отчетына яза ала.
5. «Аллаһы мәхәббәте» китабын актив булмаган вәгазьчеләргә ярдәм итәр өчен ничек кулланып була?
5 Хезмәт комитетындагы берәр кардәш сине актив булмаган вәгазьче белән Изге Язмалар өйрәнүен үткәрергә һәм аның белән «Аллаһы мәхәббәте» китабыннан билгеле бүлекләрне карап чыгарга сорый ала. Гадәттә мондый өйрәнүләр озак вакыт дәвамында үткәрелми. Безгә Аллаһы мәхәббәтендә калырга ярдәм иткән бу яңа китап — искиткеч корал! (Яһүд 21).