Иң мөһим эш
1. Хезмәт өчен зур рәхмәтебез безне нәрсәгә дәртләндерәчәк?
1 Ни өчен без үз вакытыбызны, көчебезне һәм акчабызны регуляр рәвештә хезмәткә багышларга тиеш? Чөнки мөһимрәк эш юк. Бу эшнең нәтиҗәләре турында уйланып, без беркайчан да кабатланмас эштә катнашырга теләгебезне үстерәчәкбез (Рәс. 20:24).
2. Вәгазьләвебез Йәһвәнең бөек исемен изгеләндерергә ничек ярдәм итә?
2 Йәһвәнең исемен изгеләндерү. Вәгазь эше Гайсә Мәсих идарәсе астындагы Йәһвә Патшалыгы бар кешелек патшалыкларын алмаштырачагына һәм кешелек проблемаларын чишәчәгенә игътибар итә (Мат. 6:9, 10). Йәһвә генә данга лаеклы, чөнки ул гына безне гөнаһтан һәм үлемнән коткара ала (Ишаг. 25:8; 33:24). Без аның исемен йөрткәнгә, башкалар безнең яхшы тәртибебезне һәм ашкынучанлыгыбызны күреп, Йәһвәне данлый башларга мөмкин (1 Пет. 2:12). Бөтен җир буенча Хаким Йәһвә Аллаһының исемен игълан итү безгә бик зур шатлык китерә. (Мәд. 82:19).
3. Патшалык хәбәрен теләп кабул иткән кешеләр нинди фатихалар алачак?
3 Тормышларны коткара. Йәһвә «беркемнең дә һәлак булуын теләми, бәлки барысының да тәүбәгә килүен тели» (2 Пет. 3:9). Әмма беркем дә өйрәтмәсә, кешеләр Йәһвә нинди тәртипне хуплый ә ниндине хупламый икәнен ничек белерләр? (Юныс 4:11; Рим. 10:13—15). Кеше яхшы хәбәрне кабул итсә, аның тормышы да үзгәрә, чөнки ул начар гадәтләрен ташлый (Мих. 4:1—4). Моннан тыш, шул кеше киләчәктә мәңге яшәргә өметләнә башлый. Ашкынып вәгазьләп һәм өйрәтеп, без үзебезне һәм безне тыңлаган кешеләрне коткара алабыз (1 Тим. 4:16). Бу иң мөһим эштә катнашу безнең өчен зур хөрмәт!
4. Ни өчен безгә ашкынып Патшалык хакында вәгазьләргә һәм шәкертләрне булдырырга кирәк?
4 Тиздән зур афәттә бу гаделсез дөнья көтелмәгәндә юк ителәчәк. Йәһвә ягына баскан кешеләр котылачак. Шулай итеп, вәгазьләү һәм шәкертләр булдыру эше хәзерге вакытта иң ашыгыч, мөһим һәм файдалы эш булып тора. Бу эшне тормышыбызда беренче урынга куйыйк! (Мат. 6:33).