Йәһвәнең әхлакый нормаларын үтәгез

Йәһвә Аллаһы кешеләр өчен әхлакый нормалар урнаштырган. Мәсәлән, аның нияте буенча, никах бу — ир белән хатын арасында даими союз (Мт 19:4—6, 9). Ул җенси әхлаксызлыкның һәр төрен хөкем итә (1Кр 6:9, 10). Ул хәтта киемгә һәм тышкы күренешкә кагылышлы принциплар бирә, бу аның халкын аерып тора (Кн 22:5; 1Тм 2:9, 10).

Бүгенге дөньяда күпләр Йәһвәнең нормаларын кире кага (Рм 1:18—32). Аларның киеменә, тышкы күренешенә һәм тәртибенә киң таралган карашлар тәэсир итә. Күпләр гөнаһлы тәртипләре белән масаеп яши, ә башка нормалар буенча яшәгән кешеләрне тәнкыйтьли (1Пт 4:3, 4).

Йәһвә Шаһитләре буларак, без кыюлык белән Аллаһының нормаларын үтәп яшәргә тиеш (Рм 12:9). Ничек? Безгә аңа нәрсә яраклы икәнен әдәпле генә игълан итәргә кирәк. Ләкин без үзебез дә тормышыбызда югары нормаларны тотарга тиеш. Мәсәлән, кием стильләре, прическа сайлаганда, без үзебездән сорый алабыз: «Килеш-килбәтемдә Йәһвә нормалары я бу дөнья рухы чагыламы? Киемем, прическам мине Аллаһы хезмәтчесе итеп күрсәтәме?» Берәр программа я фильм сайлаганда, без үзебездән сорый алабыз: «Йәһвә бу программаны хуплар идеме? Бу фильм нинди әхлакый нормаларны тотарга өнди? Мин сайлаган күңел ачу әхлакый нормаларымны түбәнәйтергә мөмкинме? (Зб 101:3) Ул гаиләдәгеләремә я башкаларга абыну ташы булмасмы?» (1Кр 10:31—33)

Ни өчен Йәһвәнең әхлакый нормаларын тоту мөһим? Мәсих Гайсә тиздән халыкларны һәм бөтен бозыклыкны юк итәчәк (Йз 9:4—7). Аллаһы ихтыярын үтәүчеләр генә исән калачак (1Ях 2:15—17). Шуңа күрә, әйдәгез, Йәһвәнең әхлакый нормаларын яклыйк һәм шулай итеп безнең яхшы тәртибебезне күргән кешеләр Аллаһыны данлар (1Пт 2:11, 12).

«ЙӘҺВӘНЕҢ ДУСТЫ БУЛ. БЕР ИР, БЕР ХАТЫН» ДИГӘН ВИДЕОРОЛИКНЫ КАРАП, МОНДЫЙ СОРАУЛАРГА ҖАВАП БИРЕГЕЗ:

• Ни өчен Йәһвәнең нормалары буенча яшәү акыллы?

• Ни өчен ата-аналарга үз балаларын Йәһвәнең әхлакый нормаларын кечкенә чактан ук өйрәтә башларга кирәк?

• Яшьләр һәм олылар Аллаһы күрсәткән игелектән кешеләргә файда алырга ничек ярдәм итә ала?