Кырдагы лаләләр

Гайсә үз шәкертләрен «кырдагы лаләләрнең үсүенә игътибар итәргә» һәм алардан «сабак алырга» дәртләндергән. Изге Язмалар тәрҗемәләрендә гадәттә «лалә» дип тәрҗемә ителгән төп нөсхәдәге сүз күп төрле чәчәкләрне, мәсәлән, тюльпан, җилдәк, сөмбел, ирис һәм гладиолусны аңлатырга мөмкин. Кайбер белгечләр Гайсә, бәлки, җилдәкне күздә тоткандыр дип саный. Әмма Гайсә лаләгә охшаш күптөрле чәчәкләр турында әйткәндер. Монда җилдәкнең бер төре (Anemone coronaria) күрсәтелә. Бу чәчәкләр Израильдә киң таралган, алар күк төсле, алсу, куе кызыл һәм ак була.